తాగే సీన్ ఉంటే హ్యాంగోవరేనా??

ఇప్పుడు టాలీవుడ్ మొత్తంగా వినిపిస్తున్న ఒకే ఒక్క హాట్ గాసిప్ ఏంటంటే.. అసలు తిక్క సినిమా స్టోరీ ఒరిజనలేనా లేకపోతే ఏదైనా హాలీవుడ్ మూవీ నుండి లేపేశారా అనేదే అందరి సందేహం. ముఖ్యంగా ఈ 'తిక్క' మూవీ అచ్చం ''హ్యాంగోవర్'' సినిమాలా ఉందనే కామెంట్లు వినిపిస్తున్నాయి. అయితే మీడియా వారు తక్కువేంటండీ.. మనోళ్లు ఇదే విషయాన్ని సాయిధరమ్ తేజ్ ను ఒక ఇంటర్యూలో స్ర్టెయిట్ గా అడిగేశారు. అందుకు బాబు ఏమన్నాడంటే..

''ఏదో మందు బాటిళ్ళు.. తాగడం.. వగైరా సీన్లు ఉన్నాయి కాబట్టి 'తిక్క' సినిమాను హ్యాంగోవర్ సినిమాకు కాపీ అనుకుంటున్నారు. కాని నిజానికి అస్సలు ఆ సినిమా కథకూ ఈ సినిమా కథకూ సంబంధమేలేదు'' అంటున్నారు సాయిధరమ్ తేజ్. ఒక ప్రముఖ తెలుగు న్యూస్ పేపర్ కు ఇచ్చిన ఇంటర్యూలో ఈ విషయం పేర్కొన్నాడు. అసలు ఏమన్నా సీన్లు అలా అనిపించవచ్చేమో కాని.. సినిమా కథ చాలా డిఫరెంట్ గా ఉందని అంటున్నాడు. అసలు సినిమాలో ఓపెనింగ్ సీన్ హీరో-హీరోయిన్ బ్రేకప్ పార్టీ అంటే.. అది కూడా లవ్ ఆజ్ కల్ (తెలుగులో తీన్మార్) సినిమాను గుర్తుచేస్తోంది కదండి. సర్లేండి.. కాపీ కాదని మెగా మేనల్లుడే చెబుతున్నాడుగా. మనం ఎక్కువ కామెంట్ చేస్తే బాగోదు.

సునీల్ రెడ్డి దర్శకత్వంలో రూపొందిన 'తిక్క' సినిమాలో సాయిధరమ్ తేజ్ సరసన లరిస్సా బొనేసి - మన్నారా చోప్రా హీరోయిన్లుగా నటిస్తున్నారు. రేపే మూవీ రిలీజ్.