రాజా సాయి ధరమ్ అనాలేమో!

మెగా హీరో సాయి ధరమ్ తేజ్ ఇప్పటిదాకా చేసిన సినిమాల్లో మాస్ అండ్ యాక్షన్ ఎంటర్ టెయినర్లే ఎక్కువ. మూస చిత్రాలతో వరస ఎదురుదెబ్బలు తగిలి తేజు కెరీరే గండంలో పడింది. దీంతో ఈ హీరో రూటు మార్చాడు. కొత్త కథలతో సినిమాలు చేసేందుకే ఆసక్తి చూపుతున్నాడు.

తాజాగా సాయిధరమ్ తేజ్ హీరో ఓ చారిత్రక చిత్రం తీసేందుకు ఓ డైరెక్టర్ కథ తయారు చేశాడు. బిందాస్ సినిమాతో డైరెక్టర్ గా అడుగుపెట్టిన వీరు పోట్ల శ్రీకృష్ణ దేవరాయలు కాలం నాటి స్టోరీతో స్క్రిప్ట్ రెడీ చేస్తున్నాడుట. ఈ కథపై తేజు ఇంకా డెసిషనేమీ తీసుకోలేదు. కృష్ణదేవరాయులు నాటి కథతో తెలుగులో ఇంతకుముందు సినిమాలు వచ్చాయి. ఆదిత్య 369 సినిమాలో నందమూరి బాలకృష్ణ ఈ పాత్ర చేశాడు. వీరు పోట్ల సినిమాలో తేజు ఏ క్యారెక్టర్ లో కనిపిస్తాడనేది ఇంకా క్లారిటీ రాలేదు.

ఇంతవరకు సాయి ధరమ్ తేజ్ లో పీరియాడికల్ డ్రామానే చేయలేదు. ఇప్పుడు ఒకేసారి హిస్టారికిల్ ఫిలిం అంటే ఎంతవరకు మెప్పించగలడు అని అభిమానులు డౌట్ పడుతున్నారు. అదీగాక వీరు పోట్ల ఇంతవరకు డైరెక్ట్ చేసిన బిందాస్ - రగడ - ఈడు గోల్డ్ ఎహే సినిమాలు మూడూ కామెడీ ఎంటర్ టెయినర్లే. సాయి ధరమ్ తేజ్ తాజాగా ప్రేమ కథా చిత్రాల స్పెషలిస్టు కరుణాకరన్ డైరెక్షన్ లో తేజ్.. ఐలవ్ యూ సినిమా చేశాడు.