నందమూరి ఫ్యాన్సుకూ నచ్చేలా..

మెగా హీరో సాయిధరమ్ తేజ్ తనెంత ఇంటిలెజెంట్ అన్నది చూపించడానికి రెడీ అయిపోయాడు. వి.వి.వినాయక్ డైరెక్షన్ లో చేసిన ఈ మాస్ యాక్షన్ ఎంటర్ టెయినర్ 9న థియేటర్లకు రానుంది. ఈ సినిమాకు సంబంధించి ప్రమోషన్ పై తేజు గట్టిగానే ఫోకస్ పెట్టాడు. ఈ సందర్భంగా సినిమాలోని విశేషాలతో పాటు తన మాటలతో నందమూరి అభిమానులను సైతం మురిపించేశాడు.

హీరో నందమూరి బాలకృష్ణను చూసి తనతోపాటు ఈ తరం హీరోలు నేర్చుకోవాల్సింది చాలానే ఉందంటున్నాడు తేజు. సినిమా ప్రమోషన్లలో భాగంగా ఓ టీవీ ఛానల్ తో ముచ్చటించినప్పుడు బాలకృష్ణను పొగడ్తలతో ముంచెత్తాడు. ‘‘ఇక్కడ ఎవరికి వాళ్లు వాడేసుకుని వెళ్లిపోతారనే మాట వినిపిస్తుంటుంది. అదంతా స్టుపిడిటీ. సినిమాల కోసం అందరం పనిచేస్తున్నాం. ముందు పరిశ్రమ.. ఆ తరవాత వ్యక్తులు. బాలకృష్ణ ఇంటిలిజెంట్ సినిమా టీజర్ లాంచ్ కు వచ్చినప్పుడు ముందు మెగా ఫ్యాన్స్ గురించి మాట్లాడారు. ఇండస్ర్టీకి నాలుగు పిల్లర్స్ లో ఒకరైన హీరో కాంపిటీషన్ లెవెల్స్ పక్కనపెపట్టి కలుపుకు పోవడం గురించి మాట్లాడటం చాలా గొప్పగా అనిపించింది’’ అంటూ సాయి ధరమ్ తేజ్ బాలయ్యను.. ఆయన ఫ్యాన్స్ ను మెప్పించేలా మాట్లాడాడు.

ప్రస్తుతం వరస ఫ్లాపులతో ఉన్న సాయి ధరమ్ తేజ్ ఇంటిలిజెంట్ సినిమాపై చాలా ఆశలే పెట్టుకున్నాడు. అందుకే తన సెంటిమెంట్ గా కలిసొచ్చిన చిరు పాత సినిమాలో పాట రీమిక్స్ కూడా చేశాడు. కొండవీటి దొంగ సినిమాలో ఛమక్ ఛమక్ ఛాం పాటను మరోసారి గుర్తుచేస్తూ హీరోయిన్ లావణ్య త్రిపాఠిని కలిసి స్టెప్పులేశాడు.