#PSPK25.. డ్రైవింగ్లో మొబైల్ చూడకండి

టాలీవుడ్ లో మొన్నటి వరకు చిన్న సినిమాల హవా ఏ స్థాయిలో నడిచిందో ప్రత్యేకంగా చెప్పనక్కర్లేదు. పెద్ద సినిమాలు ఏవి లేకపోవడంతో ప్రాణం పోయాయి అనుకున్న సినిమాలు కూడా లేచి మరి ప్రేక్షకుల ముందుకు వచ్చాయి. కానీ అందులో చాలా సినిమాలు అనుకున్నంత స్థాయిలో మెప్పించలేకపోయాయి. ఒకటి రెండు సినిమాలు పర్వాలేదు అనిపించాయి. అయితే ఇక మరికొన్ని రోజుల్లో పెద్ద పండుగలు రాబోతున్నాయి.

ముఖ్యంగా పవర్ స్టార్ పవన్ కళ్యాణ్ 25వ సినిమా గత కొంత కాలంగా చాలా ఉరిస్తోంది. ఫస్ట్ లుక్ కోసం తెలుగు ఆడియెన్స్ చాలా ఎదురుచూశారు. అయితే ఆ వెయిటింగ్ ఈ రోజుతో ఎండ్ అయ్యింది. అఫీషియల్ టైటిల్ ఫస్ట్ లుక్ చిత్ర యూనిట్ సోషల్ మీడియా ద్వారా రిలీజ్ చేసింది. అయితే ఫస్ట్ లుక్ లో పవర్ స్టార్ స్టైల్ అండ్ లుక్ ఫ్యాన్స్ ను బాగా ఆకట్టుకుంది. సినీ తారలు కూడా ఎవరికి వారు పవన్ కళ్యాణ్ లుక్స్ సూపర్బ్ అంటూ సోషల్ మీడియాలో కామెంట్స్ చేస్తున్నారు.

ఇక మెగా మేనల్లుడు సాయి ధరమ్ తేజ్ కూడా పోస్టర్ ని పోస్ట్ చేస్తూ ఒక మంచి ట్వీట్ చేశాడు. ''డ్రైవింగ్ చేస్తున్నప్పుడు మొబైల్స్ అస్సలు యూజ్ చేయొద్దు. అది కూడా పవన్ కళ్యాణ్ ఫస్ట్ లుక్ రిలీజ్ అయ్యేటప్పుడు అస్సలు వాడొద్దు'' అని కామెంట్ చేయడంతో పవన్ ఫ్యాన్స్ ఖుషీ అయిపోతున్నారు. పవన్చే ఫస్ట్ లుక్ వచ్చిందంటే టాలీవుడ్ లో ఒక సెన్సేషన్ అవుతోంది అని చెబుతున్నారు.