మళ్లీ తిక్క చూపిస్తావా ఏంటి తేజూ?

సాయి ధరం తేజ్ కొత్త సినిమా పేరు చిత్రలహరి. ఈ పేరుకు జనాలు బాగానే కనెక్ట్ అయ్యారు. ఈ తరం పిల్లలకు తెలీకపోవచ్చేమో కానీ.. మిలీనియల్స్ అందరికీ డీడీలో శుక్రవారం సాయంత్రం వచ్చే పాటల కార్యక్రమం అయిన చిత్రలహరి గురించి తెలుసు. దానికోసం వారం పాటు ఎదురూచూపులు చూసిన జ్ఞాపకాలు కూడా గుర్తే. ఇప్పుడు ఆ టైటిల్ తో మూవీ అనగానే అందుకే ఆసక్తి కనిపించింది.

కిషోర్ తిరుమల దర్శకత్వంలో మెగాహీరోతో చిత్రలహరి అనగానే.. ఏదో డిఫరెంట్ గా ప్రయత్నిస్తున్నారని అనిపిస్తుంది. నిజానికి చిత్రలహరి అంటే ఒక బార్ అని తెలుస్తోంది. కథ ప్రకారం సినిమాలో అనేక క్యారెక్టర్లకు ఈ బార్ తో లింక్ ఉంటుందట. అందుకే ఆ టైటిల్ పెట్టారా ఏంటి అనిపించక మానదు. అయితే.. తేజుకి ఇలా ఓ బార్ తోనో.. తాగుడుతోనో లింక్ అయిన సినిమా అచ్చి రాలేదు. తిక్క అంటూ తేజు డిఫరెంట్ ప్రయత్నించిన మూవీలో.. ఓ రాత్రి తాగిన తర్వాత చేసిన హంగమా కారణంగా.. జరిగిన రచ్చే ఆ తిక్క సినిమా.

ఇప్పుడ మళ్లీ చిత్రలహరి అనే పేరుతో ఉన్న బార్ చుట్టూ తిరిగే సినిమా అంటే్.. 'తిక్క' సినిమా టైపులో ఏదన్నా తిక్క తిక్క తాగుడు చూపిస్తారా ఏంటి అనే అనుమానాలు రావచ్చు. కానీ ఈ చిత్రంలో అలాంటి హంగామా ఏమీ ఉండదట. జస్ట్ సినిమాలో లీడ్ క్యారెక్టర్లకి ఆ బార్ కి మాత్రం లింక్ ఉంటుందట. అదీ సంగతి.