దేవుడా... ఐదుగురు హీరోయిన్లా?!

ప‌వ‌న్‌ కళ్యాణ్ మొద‌లుకొని అల్లు అర్జున్ వ‌ర‌కు మెగా హీరోలంతా మెల్ల‌గా ఒకొక్క సినిమానే చేస్తున్నారు. కానీ మెగా అల్లుడు సాయిధ‌ర‌మ్ తేజ్ మాత్రం ఒక్కొక్క‌టి కాదు షేర్‌ ఖాన్‌.. అంటూ రెండు మూడు సినిమాల్ని లైన్లో పెట్టేస్తున్నాడు. ఆ జోరు చూస్తున్న ప‌రిశ్ర‌మ వ‌ర్గాలు... ``కుర్రాడు ఎక్క‌డికో వెళ్లిపోతాడు`` అని జోస్యం చెబుతున్నాయి. చిరంజీవి త‌ర‌హాలోనే తొలి సినిమా కాకుండా రెండో సినిమా మొద‌ట విడుద‌లై ఘ‌న‌విజ‌యం సాధించింది. రాబోతున్న సినిమాలు కూడా మంచి కాంబినేష‌న్ల‌లో తెర‌కెక్కుతున్నాయి. చూస్తుంటే త్వ‌ర‌లోనే ఇత‌ర మెగా హీరోల్లాగా మాస్ ఇమేజ్ సొంతం చేసుకొనేలా క‌నిపిస్తున్నాడు.

ప్ర‌స్తుతం హ‌రీష్ శంక‌ర్ ద‌ర్శ‌క‌త్వంలో `సేల్ ఫ‌ర్ సుబ్ర‌మ‌ణ్యం` అనే చిత్రం చేస్తున్నాడు సాయిధ‌ర‌మ్ తేజ్‌. ఆ చిత్రం త‌ర్వాత దిల్‌ రాజు సంస్థ‌లోనే శ‌త‌మానం భ‌వ‌తీ అనే మ‌రో సినిమా తెర‌కెక్కుతుంది. దీంతోపాటు `ఓం` ఫేమ్ సునీల్‌రెడ్డి ద‌ర్శ‌క‌త్వంలో ఇంకో సినిమా చేయ‌డానికి ఓకే చెప్పేశాడు సాయిధ‌ర‌మ్ తేజ్‌. ఈ చిత్రంలో మ‌నోడు ఏకంగా ఐదుగురు హీరోయిన్ల‌తో ఆడిపాడ‌తాడ‌ట‌. `కొత్త కుర్రాడు... అప్పుడే ఐదుగురు హీరోయిన్ల‌తో రొమాన్సా? దేవుడా...` అంటూ జ‌నాలు నోరెళ్ల‌బెడుతున్నారు. ఇంకా ప‌లువురు స్టార్ ద‌ర్శ‌కులు కూడా సాయిధ‌ర‌మ్ తేజ్‌ తో సినిమాలు తీసేందుకు ప్ర‌య‌త్నాలు చేస్తున్నారు. `సేల్ ఫ‌ర్ సుబ్ర‌మ‌ణ్యం` హిట్ట‌యితే ఇక సాయిధ‌ర‌మ్ తేజ్ స్టార్ క‌థానాయ‌కుల రేంజ్‌ కి దూసుకెళ‌తాడ‌ని చెబుతున్నాయి ట్రేడ్ వ‌ర్గాలు.