ఇక‌పై `చిరు`రీమేక్ సాంగ్స్ చేయ‌ను

మెగా హీరో సాయి ధ‌ర‌మ్ తేజ్ - విల‌క్ష‌ణ ద‌ర్శ‌కుడు క‌రుణాక‌ర‌ణ్ ల కాంబోలో తెర‌కెక్కిన `తేజ్ ఐ ల‌వ్ యూ`చిత్రం నేడు ప్రేక్ష‌కుల‌ ముందుకు వ‌చ్చింది. కొంత‌కాలం నుంచి హిట్ కోసం ఎదురు చూస్తోన్న సాయి ధ‌ర‌మ్ తేజ్....ఈ సినిమా పైనే ఆశ‌ల‌న్నీ పెట్టుకున్నాడు. ఇప్ప‌టికే ఈ చిత్ర ట్రైల‌ర్ కు మంచి రెస్పాన్స్ వ‌చ్చింది. ముఖ్యంగా యూత్ ను టార్గెట్ చేసిన ఈ సినిమా ప్ర‌మోష‌న్ కోసం తేజ్ చాలా స‌మ‌యం కేటాయించాడు. కొద్ది రోజుల క్రితం ఓ కాలేజీలో ఈ చిత్ర ప్ర‌మోష‌న్ లో పాల్గొన్న తేజ్....అక్క‌డ విద్యార్థినుల‌తో స్టెప్పులేసి సంద‌డి చేశారు. తాజాగా, ఈ చిత్రం విడుదల సందర్భంగా ఫేస్ బుక్ లైవ్ లో ఫ్యాన్స్ తో చాట్ చేశాడు. ఈ సంద‌ర్భంగా ఫ్యాన్స్ అడిగిన ప్రశ్నలల‌కు తేజూ ఆస‌క్తిక‌ర‌ సమాధానాలిచ్చాడు. త‌న‌కు కొంత‌మంది ఫ్యాన్స్ ఇచ్చిన స‌ల‌హాల‌ను కూడా తేజూ ఓపిగ్గా విని పాటిస్తాన‌ని చెప్ప‌డం విశేషం. అభిమానుల‌తో తేజ్ లైవ్ చాట్ వీడియో సోష‌ల్ మీడియాలో వైర‌ల్ అయింది!

ఇక‌పై చేయ‌బోయే సినిమాల కోసం మంచి కథలు ఎంపిక చేసుకోవాలని తేజుకి ఫ్యాన్స్ సూచించారు. భ‌విష్య‌త్తులో త‌ప్ప‌కుండా కథల ఎంపికలో జాగ్రత్తప‌డ‌తాన‌ని తేజు అన్నాడు. అంతేకాకుండా - ఇకపై మెగాస్టార్ చిరంజీవి సాంగ్స్ ను రీమేక్ చేయబోనని తేజు స్ప‌ష్టం చేశాడు. ఆ రీమేక్ పాట‌ల‌కు నెగిటివ్ ఫీడ్ బ్యాక్ వస్తోందని తేజు అన్నాడు. అదీగాక‌, మామ‌య్య న‌టించిన పాట‌ల‌ను రీమేక్ చేయ‌డం త‌న‌కూ నచ్చడంలేదని చెప్పాడు. చిరంజీవి గారు స్టెప్పులేసిన పాట‌ల‌లో మరొకరిని ఊహించుకోవడం కష్టమ‌ని తేజు అభిప్రాయపడ్డాడు. భ‌విష్య‌త్తులో కూడా పవన్ కళ్యాణ్ గారు సినిమాల్లో న‌టించాల‌ని త‌న‌కూ ఉంద‌ని - కానీ, ఆయ‌న ప్ర‌స్తుతం రాజ‌కీయాల్లో బిజీగా ఉన్నార‌ని అన్నాడు. భ‌విష్య‌త్తులో జనసేన పార్టీకి తప్పకుండా తమ మద్దతు ఉంటుందని తేజు తెలిపాడు. త‌న త‌ర్వాతి ప్రాజెక్ట్ ఇంకా ఫైనల్ కాలేద‌ని - స్టోరీ డిస్క‌ష‌న్స్ జరుగుతున్నాయని - ఫైనల్ అయిన త‌ర్వాత వివ‌రాలు ప్ర‌క‌టిస్తామ‌ని చెప్పాడు.