తేజు గెస్ట్ రోల్ కలిసొస్తుందా?

ఓ సినిమాలో మెగా హీరో కనిపించాడంటే.. ఈ మూవీ క్రేజ్ అమాంతం మారిపోతూ ఉంటుంది. ఆ చిత్రానికి సడెన్ గా డిమాండ్ వచ్చేందుకు ఉపయోగపడుతుంది. కృష్ణవంశీ దర్శకత్వంలో రూపొందిన నక్షత్రం చిత్రంలో కూడా ఇలాగే ఓ కేమియో రోల్ కోసమే సాయి ధరం తేజ్ ను తీసుకున్నారు. కానీ ఆ తర్వాత తేజు క్రేజ్ పెరిగిన తీరు చూసి.. ఈ కేమియోను మరింతగా పెంచి.. సినిమాలో కీలక పాత్ర చేసేశాడు కృష్ణవంశీ.

అయితే.. నక్షత్రం చిత్రీకరణ జనాలను మెప్పించలేకపోయింది. తేజు గెస్ట్ రోల్ వేస్టయిపోయింది. ఇప్పుడు మరో సినిమాలో కూడా సాయి ధరం తేజ్ మెరవనున్నాడట. అది కూడా ఐటెం సాంగ్ లో కనిపించనున్నాడటనే టాక్ వినిపిస్తోంది. రవితేజ హీరోగా అనిల్ రావిపూడి దర్శకత్వంలో రూపొందిన రాజా ది గ్రేట్ చిత్రం షూటింగ్ చివరి దశకు చేరుకుంది. రీసెంట్ గా ఈ సినిమా కోసం ఓ ఐటెం సాంగ్ ను చిత్రీకరించారు కూడా. రాశి ఖన్నా ఈ ఐటెం నెంబర్ లో డ్యాన్స్ చేసిందని ఇఫ్పటికే చెప్పుకున్నాం. అయితే.. ఈ ఐటెం సాంగ్ లో సాయి ధరం తేజ్ వేసే స్టెప్పులు కూడా కనిపిస్తాయనే టాక్ మొదలైంది.

రవితేజ.. రాశి ఖన్నాలతో కలిసి మెగా హీరో కూడా డ్యాన్స్ చేస్తాడట. పాట అంతా కాకపోయినా.. కొన్ని నిమిషాల పాటు తేజు అప్పియరెన్స్ ఉంటుందని అంటున్నారు. మరి తేజు స్పెషల్ క్యారెక్టర్ చేయడం నక్షత్రానికి పెద్దగా కలిసి రాలేదు.. కనీసం మాస్ రాజా ది గ్రేట్ కి అయినా ఉపయోగపడుతుందేమో చూడాలి.