డబ్బులు వద్దన్న మెగా హీరో

చాలా కాలంగా హిట్ కోసం చూస్తున్న కృష్ణవంశీ 2014 లో గోవిందుడు అందరివాడేలే సినిమాతో మళ్ళీ హిట్ ట్రాక్ లోకి వద్దాం అనుకొన్నాడు కానీ అదెందుకో సాధ్యపడలేదు. చివరకు కృష్ణవంశీ సందీప్ కిషన్ తో సెట్టయ్యాడు. ‘నక్షత్రం’ సినిమా పాటలు కూడా విడుదల అయ్యాయి. అయితే నక్షత్రంలో సాయి ధరమ్ తేజ్ పూర్తి స్థాయి హీరో పాత్రలో కాకుండా 20 నిమిషాలు పాటు ఉన్న ఒక యంగ్ పోలీసు ఆఫీసర్ గా కనపడనున్నాడు. అందుకోసం ఎంత పుచ్చుకున్నాడేంటి?

సాయి ధరమ్ తేజ్ కి డైరెక్టర్ కృష్ణవంశీ అంటే చాల గౌరవం అంటా అందుకని నక్షత్రం కోసం కృష్ణవంశీ గారు వెళ్ళి కథ చెప్పిన వెంటనే ఒప్పుకున్నాడట. కృష్ణవంశీ సినిమాలో చిన్న పాత్ర కూడా చాలా గొప్పగా ఉంటుంది. నాకు ఈ సినిమాలో అవకాశం ఇచ్చిన డైరెక్టర్ కు చాలా థాంక్స్ అని చెబుతున్నాడు తేజ్. నా నట కెరియర్లో నక్షత్రం సినిమాలో అలెగ్జాండర్ పాత్ర అందరికి గుర్తుండిపోతుంది అంటూ రొమ్ములు విరుచుకుని చెబుతున్నాడులే. అందుకనే ఈ సినిమాకు ఎటువంటి ఫీ తీసుకోలేదట. తన పై ఇంత ప్రేమ గౌరవం చూపిన సాయి ధరమ్ తేజ్ కు కృష్ణవంశీ స్పెషల్ థాంక్స్ చెప్పుకున్నాడు.

సాయి ధరమ్ తేజ్ ఇప్పుడు తన కెరియర్ ను గొప్పగా మలుచుకునే ప్రయత్నం చేసుకుంటున్నాడు కాని.. కథలు మాత్రం సరిగ్గా ఎంపిక చేసుకోవట్లేదు. నక్షత్రంలో కూడా కథ కంటే ఎక్కువగా రెజీనా గ్లామర్ ప్రగ్యా జైస్వాల్ బికినీయే కనిపిస్తోంది. వరుసగా సుప్రీమ్.. తిక్క, విన్నర్ వంటి సినిమాలతో దెబ్బలు తిన్న ఈ మెగా హీరో.. ఇప్పుడు నక్షత్రంతో ఏం తింటాడో చూడాలి. ఆ తరువాత మనోడు 'జవాన్' సినిమాతో వస్తున్న సంగతి తెలిసిందే.