అమెరికాలో ఎలాంటి ఐ లవ్యూ చెప్తారో..

సాయి ధరం తేజ్ ఇప్పుడు వరుస పరాజయాలతో ఇబ్బంది పడుతున్నాడు. ఒకదానికి మించి మరొకటి ఫ్లాపులు ఇస్తూ.. ఇంటెలిజెంట్ తో కెరీర్ బిగ్గెస్ట్ ఫ్లాప్ నమోదు చేసుకున్నాడు. సుప్రీమ్ తర్వాత మళ్లీ చెప్పుకోదగ్గ సినిమా ఇవ్వలేకపోయిన ఈ హీరో.. ఇప్పుడు తేజ్ ఐలవ్యూ అంటూ పలకరించబోతున్నాడు.

అయితే.. తేజు కెరీర్ లో సక్సెస్ లు ఉన్నా.. ఇవన్నీ లోకల్ మార్కెట్లలో సాధించినవే. ఓవర్సీస్ లో ఇప్పటివరకూ హిట్ కొట్టలేకపోయిన సుప్రీమ్ హీరో.. కరుణాకరన్ మూవీ తేజ్ ఐ లవ్యూతో ఆ లోటు తీరిపోతుందని ఆశలు పెట్టుకున్నాడు. ఈ చిత్రానికి ఓవర్సీస్ రైట్స్ రూపంలో 75 లక్షల రూపాయలు వచ్చాయి. ఈ ఫిగర్ తక్కువగా కనిపించవచ్చు కానీ.. ప్రస్తుతం అక్కడ తేజు మార్కెట్ ను బేస్ చేసుకుంటే.. ఇది ఫ్యాన్సీ అమౌంట్ అనాల్సిందే. తేజ్ ఐ లవ్యూకు పాజిటివ్ బజ్ నెలకొనడమే.. ఈ మాత్రం ధర అయినా పలకడానికి కారణంగా చెబుతున్నారు.

ఇప్పటికే రిలీజ్ చేసిన టీజర్ తో పాటు ప్రమోషనల్ మెటీరియల్ జనాలను బాగానే ఆకట్టుకుంది. ఓ మాంచి లవ్ స్టోరీ చూపించబోతున్నారనే విషయం అర్ధమైంది. అనుపమా పరమేశ్వరన్ హీరోయిన్ గా నటిస్తున్న ఈ చిత్రానికి.. గోపీ సుందర్ మ్యూజిక్ ఆకర్షణ కానుంది. జూన్ 29న తేజ్ ఐ లవ్యూను విడుదల చేస్తామని ఇప్పటికే మేకర్స్ ప్రకటించారు.