సర్దారోడికి ఇద్దరు సరికొత్త బాడీగార్డ్ లట..

ఫిలింనగర్ లో ప్రస్తుత హాట్ టాపిక్ ఏంటంటే తడుముకోకుండా సర్దార్ గబ్బర్ సింగ్ అని చెబుతారు. పవన్ నటిస్తున్న ఈ చిత్రానికి ఎనలేని క్రేజ్ దక్కింది. ఉగాది సందర్భంగా ఈ సినిమాను తెలుగులోనేకాదు హిందీలోనూ ప్రపంచవ్యాప్తంగా ఏప్రిల్ 8న విడుదల చేయనున్నారు.

అయితే విడుదల కంటే ముందు ఇప్పుడు అందరికళ్ళూ ఆడియో లాంచ్ పైనే వున్నాయి. వచ్చే ఆదివారం జరగనున్న ఆడియో లాంచ్ ని నభూతో అన్న రేంజ్ లో జరపాలని చిత్ర యూనిట్ భావిస్తుంది. దీనికి మెగా ఫ్యామిలీనుండి హెల్ప్ తీసుకుంటుందని సమాచారం.

సర్దార్ కి ఇద్దరు కొత్త బాడీ గార్డ్ లు అప్పాయింట్ అయ్యారంటూ మెగా హీరో సాయి ధరం తేజ్ ట్వీట్ చేసాడు. మరిన్ని వివరాల కోసం వెయిట్ చెయ్యండి అని మెలికపెట్టాడు. అసలు సినిమాకి ఏ సంబంధం లేని సాయి ఈ ట్వీట్ వెయ్యడంతో ఆ బాడీ గార్డ్ లు సాయి ధరమ్ తేజ్ మరియు వైష్ణవ్ తేజ్ లేమో అని అనుమానం కలుగుతుంది. అయితే ఆ బాడీ గార్డింగ్ ఆడియో ఫంక్షన్ కా లేక సినిమాకా అన్నది చూడాలి.