తేజుకి మళ్లీ షాక్ తగిలేసిందిగా!

సాయి ధరం తేజ్ నటించిన విన్నర్ మూవీ గత వారం రిలీజ్ అయింది. ఈ మూవీలో రకుల్ ప్రీత్ సింగ్ తో తేజు జత కట్టిగా.. గోపీచంద్ మలినేని దర్శకత్వంలో రూపొందిన ఈ చిత్రంపై చాలానే అంచనాలు ఏర్పడ్డాయి. అయితే.. నిర్మాతల ఆశలను ఈ సినిమా నిలబెట్టలేకపోయింది.

మొదటి వీకెండ్ వరకూ కలెక్షన్స్ బాగానే ఉన్నా.. ఆ తర్వాత విన్నర్ బాగా స్లో అయిపోయాడు. సెకండ్ వీకెండ్ లో పుంజుకుంటుందనే హోప్స్ కూడా వమ్మయ్యాయనే చెప్పాలి. ఇప్పటివరకూ ఈ సినిమా మొత్తంగా 14 కోట్ల షేర్ ను మాత్రమే రాబట్టగలిగింది. ఈ మెగా హీరో నటించిన గత చిత్రం సుప్రీమ్.. 27 కోట్ల షేర్ ను వసూలు చేయడంతో.. ఈ మూవీపై నిర్మాతలు బాగానే ఖర్చు పెట్టారు. 30 కోట్ల మార్క్ ను అందుకుంటుందనే ధీమా వెలిబుచ్చారు. కానీ అక్కడికి చేరుకోవడం అసంభవం అంటున్నారు ట్రేడ్ జనాలు.

తిక్కతో కలిపి వరుసగా తేజుకి తగిలిన రెండో ఎదురుదెబ్బ ఈ విన్నర్. వరుసగా రెండు సినిమాలు ఫ్లాప్ కావడం.. ఈ మెగా హీరో ఊహించని పరిణామం. మాస్ మంచి క్రేజ్ సంపాదించుకున్న తర్వాత.. ఇలాంటి అడ్డంకులు రావడం ఇబ్బందికరమే. తర్వాతి సినిమాలపై వీటి ఎఫెక్ట్ కనిపిస్తుందనే అంచనాలున్నాయి. గోపీచంద్ తో వాంటెడ్ వంటి ఫ్లాప్ ఇఛ్చిన బీవీఎస్ రవి దర్శకత్వంలో తేజు మరుసటి చిత్రం చేస్తున్నాడు.

Like Us on Facebook : https://www.facebook.com/Tupakidotcom/