ఆస్కార్ మనవరాలికి అంకితం -సాయి కుమార్

ఆస్కార్ అవార్డు ఇండియన్స్ కి.. అందులోను మన టాలీవుడ్ స్టార్స్ కి వస్తుందని ఎక్స్ పెక్ట్ చేయగలమా ? వస్తుందో రాదో తెలియదు కానీ.. మన నాలుగో సింహం సాయి కుమార్ మాత్రం ఆస్కార్ రేసులో జాయిన్ అయిపోయాడు. అస్కార్ ఎంట్రీస్ లో ప్రపంచవ్యాప్తంగా ఎంపిక చేసిన 305 సినిమాల్లో సాయి కుమార్ నటించిన రంగితరంగ కూడా ఎంట్రీ ఉంది. దీంతో జానీ డగ్లస్ - మైకేల్ డెప్ వంటి హాలీవుడ్ స్టార్స్ తో పాటు.. సాయి కుమార్ పేరు కూడా వినిపించేస్తోంది.

అసలీ రంగితరంగ మూవీని సాయికుమార్ యాక్సెప్ట్ చేయడమే ఓ సంచలనం. అనుప్ భండారి అనే ఓ కొత్త దర్శకుడు కొత్త టీంతో చేస్తున్న సినిమాను చేయవద్దటంటూ.. సాయి కుమార్ కి బోలెడు సలహాలు అందాయి. అయినా సరే ఒప్పేసుకుని, సంచలనం సృష్టించాడీ సింహం. ఇప్పుడా మూవీ శాండల్ వుడ్ లో సూపర్ హిట్ టాక్ తో దూసుకుపోతోంది. రీసెంట్ గా 25 రోజుల పండుగ కూడా చేసేసుకుంది. ఇండియన్ జ్యూరీ ఎంపిక చేయకపోయినా.. అస్కార్ కి డైరెక్టుగా పంపి మరీ సెలక్షన్ లో నిలబడ్డం విశేషం. అసలు తనకు ఆస్కార్ వస్తుందో రాదో తెలీకపోయినా.. మహామహాస్టార్స్ సరసన నిలవడంతోనే.. ఆల్మోస్ట్ అస్కార్ వచ్చేసినట్లే అంటున్నాడు సాయి కుమార్.

తన ఆస్కార్ ను మనవరాలికి అంకితం ఇచ్చేస్తున్నానంటూ జోక్ చేస్తున్నాడు. మహేష్ బాబు - జూనియర్ ఎన్టీఆర్ వంటి టాలీవుడ్ స్టార్స్ మూవీలో ఇంపార్టెన్స్ కేరక్టర్స్ చేయడమే తన లక్ష్యమని, విలన్ రోల్ అయినా సరే చేసేస్తానంటున్నాడు. రీసెంట్ గా ఏపీ పోలీస్ లు లాంఛ్ చేసిన ఫోర్త్ లయన్ కేంపెయిన్ కి.. పోలీస్ స్టోరీ హీరో సాయి కుమార్ నే ఎంపిక చేయడం విశేషం.