మీటూ ఉద్యమం నన్ను పెదవి ముద్దు నుంచి కాపాడింది!

మీటూ ఉద్య‌మం ప‌ర్య‌వ‌సానం ఎలాంటిదో 2018-19 సీజ‌న్ లో ప‌రిశ్ర‌మ‌ల‌న్నీ చూశాయి. దిగ్గ‌జాలంటి మ‌హామ‌హులే గ‌జ‌గ‌జ‌లాడారు. వేధింపుల రాక్ష‌సుల్ని జైల్లో వేసి విచారించారు. ఇప్పుడు అదే మీటూ ట్యాగ్ ఉప‌యోగించి పెద‌వి ముద్దు నుంచి ఎస్కేప్ అయ్యింద‌ట సాయి ప‌ల్ల‌వి.

ఒకానొక సంద‌ర్భంలో ఓ సినిమాలో న‌టిస్తున్న‌ప్పుడు ద‌ర్శ‌కుడు హీరోకి పెద‌వి ముద్దు ఇవ్వాల్సిందేన‌ని ప‌ట్టుబ‌ట్టాడ‌ట‌. అయితే అప్పుడు తాను మీటూ ఉద్య‌మం గురించి మాట్లాడి స్కిప్ కొట్టేసింద‌ట‌. ఇంత‌కీ ఏ సినిమా సంద‌ర్భంలో అంటే.. ఓ ప్ర‌ముఖ హీరో స‌ర‌స‌న తాను న‌టిస్తున్న‌ప్పుడు ఆ ద‌ర్శ‌కుడికి ఈ స‌న్నివేశం ఎదురైంద‌ట‌. హీరో హీరోయిన్ పెద‌వి ముద్దు త‌ప్ప‌ద‌ని ద‌ర్శ‌కుడు అడ‌గ్గానే.. ఆ పక్కన ఉన్న హీరో దర్శకుడితో ``ఆమె మిమ్మల్ని మీ-టూ క్లబ్‌లోకి లాగితే మీరు ఏమి చేస్తారు?`` అని ప్ర‌శ్నించాడ‌ట‌. దానికి వెంట‌నే దర్శకుడు సానుకూలంగా స్పందించాడు. సాయి పల్లవిని ముద్దు సన్నివేశం చేయమని ఎప్పుడూ అడగలేదట‌.

``మీ టూ ఉద్యమం నాకు ఆ విధంగా సహాయపడింది`` అంటూ సాయి నాటి సంఘటనను నవ్వుతూ వివ‌రించారు. సాయి ప‌ల్ల‌వి న‌టిస్తున్న తాజా చిత్రం ల‌వ్ స్టోరి రిలీజ్ కి రావాల్సి ఉంది. నాగ‌చైత‌న్య హీరోగా న‌టిస్తున్న ఈ చిత్రానికి శేఖ‌ర్ క‌మ్ముల ద‌ర్శ‌క‌త్వం వ‌హిస్తున్నారు.