నాగ్ సర్ కి చెప్పాలనుకున్నది చెప్పేసింది

లవ్ స్టోరీ సినిమాతో మరోసారి తెలుగు ప్రేక్షకులకు సాయి పల్లవి ఫిదా చేసింది. సినిమా కు మిశ్రమ స్పందన వచ్చినా కూడా సాయి పల్లవి డాన్స్ మరియు నటన విషయంలో మంచి మార్కులు దక్కించుకుంది. మంచి పాత్ర పడితే ఏ స్థాయిలో సాయి పల్లవి జీవిస్తుందో మౌనిక పాత్రను చూస్తే అర్థం అవుతుంది. సినిమా సక్సెస్ మీట్ ను తాజాగా నిర్వహించారు. నాగార్జున గెస్ట్‌ గా హాజరు అయిన ఈ వేడుకలో సాయి పల్లవి మాట్లాడిన మాటలు అందరి దృష్టిని ఆకర్షించింది. సాయి పల్లవి డాన్స్ కు మరియు ఆమె నటనకు నాగార్జున ఫిదా అయినట్లుగా వ్యాఖ్యలు చేశాడు. ఆమె డాన్స్ చేస్తూ ఉంటే అలాగే చూస్తూ ఉండి పోవాలనిపిస్తుంది అంటూ ఆయన వ్యాఖ్యలు చేశాడు. సాయి పల్లవి పై ప్రశంసల జల్లు కురిపించిన నాగార్జున గురించి కూడా ఆమె ఆసక్తికర విషయాన్ని వెళ్లడించింది.

తన చిన్నతనంలో నాకు చెల్లికి తాతయ్య అన్నమయ్య సినిమాను వంద సార్లు చూపించాడు. ఆ సినిమా టీవీలో వచ్చిన ప్రతి సారి కూడా తాతయ్య తప్పకుండా చూసేవారు. నాగార్జున గారు ఇంత అద్బుతంగా నటించారు అంటే ఆయన ఖచ్చితంగా పూర్వ జన్మలో ఒక యోగి లేదా రుషి అయ్యి ఉంటాడు అంటూ మాతో చెప్పేవాడు. క్లైమాక్స్ సీన్ లో దండం పెడుతూ సినిమాను అలాగే చూస్తు ఉండేవాడు తాతయ్య. నాగార్జున అంటే అంటే ఆయనకు అన్నమయ్య మాత్రమే. అందుకే ఆయన దృష్టిలో నాగార్జున గారిని అన్నమయ్య అన్నట్లుగానే ఉంచాలనే ఉద్దేశ్యంతో నాగ్‌ సర్ నటించిన మరే సినిమా వచ్చినా కూడా ఛానెల్‌ మార్చే వాళ్లం అంటూ సాయి పల్లవి చెప్పుకొచ్చింది.

తాతయ్య ఎప్పుడు కూడా నాగార్జున గారిని అన్నమయ్య అనుకునేలా ఆయన ఇతర సినిమాలు ఎప్పుడు కూడా మా టీవీలో రాకుండా జాగ్రత్తపడేవాళ్లం అంటూ సాయి పల్లవి చెప్పుకొచ్చింది. ఈ విషయాన్ని తాను ప్రీ రిలీజ్ ఈవెంట్ లో మీరు వస్తే చెప్పాలనుకున్నాను.. కాని ఇప్పుడు ఆ అవకాశం వచ్చిందని లవ్ స్టోరీ సక్సెస్ మీట్ లో చెప్పుకొచ్చింది. సాయి పల్లవి ప్రస్తుతం టాలీవుడ్‌ తో పాటు ఇతర వుడ్‌ ల్లో కూడా బిజీగా వరుస సినిమాలతో దూసుకు పోతుంది. పెద్ద ఎత్తున అంచనాలున్న ఈ అమ్మడి సినిమాల ఫలితాలు ఎలా ఉన్నా ఈమెకు మాత్రం సినిమా సినిమాకు కూడా మంచి పేరు వస్తూనే ఉంది. టాలీవుడ్ లో ముందు ముందు ఈమె నుండి మరిన్ని మంచి పాత్రలు వస్తాయనే నమ్మకం అంతా వ్యక్తం చేస్తున్నారు. తెలుగు చక్కగా మాట్లాడటంతో పాటు తన పాత్రకు తానే డబ్బింగ్‌ చెప్పుకుంటున్న అతి తక్కువ మంది టాప్ హీరోయిన్స్‌ లో సాయి పల్లవి ఒకరు అనడంలో సందేహం లేదు.