ఫ్యాన్స్ ని క‌ల‌వ‌ర‌పెడుతున్న సాయి ప‌ల్ల‌వి నిర్ణ‌యం!

భానుమ‌తి హైబ్రీడ్ పిల్లా..ఒక్క‌టే పీస్ రెండు మ‌తాలు.. రెండు కులాలు అంటూ 'ఫిదా' సినిమాతో టాలీవుడ్ ప్రేక్ష‌కుల్ని ఫిదా చేసింది సాయి ప‌ల్ల‌వి. ప‌క్కింటి అమ్మాయిలా ప్ర‌తీ ఒక్క‌రి హృద‌యంలో ప్ర‌త్యేక స్థానాన్ని సొంతం చేసుకుంది. రెగ్యుల‌ర్ క‌మ‌ర్షియ‌ల్ హీరోయిన్ ల‌కు పూర్తి భిన్నంగా ప్రాధాన్య‌త వున్న పాత్ర‌ల‌కు, క‌థ‌ల‌కు మాత్ర‌మే ప్రాముఖ్య‌త నిస్తూ అన‌తి కాలంలోనే తెలుగు, త‌మిళ‌, మ‌ల‌యాళ భాష‌ల్లో హీరోయిన్ గా ప్ర‌త్యేక గుర్తింపుని సొంతం చేసుకుంది.

క‌మ‌ర్షియ‌ల్ హీరోయిన్ ల‌లో ఒక్క‌టే పీల్ హైబ్రీడ్ హీరోయిన్ అనిపించుకుని ఎంత మంది స్టార్స్ కి ఆద‌ర్శంగా నిలిచింది. మ‌ల‌యాళ బ్లాక్ బ‌స్ట‌ర్ 'ప్రేమ‌మ్‌'తో మ‌ల‌ర్ గా త‌న న‌ట ప్ర‌స్థానాన్ని ప్రారంభించి కోట్ల హృద‌యాల్ని దోచేసింది. మ‌ల‌యాళ సినిమాతో హీరోయిన్ గా ఎంట్రీ ఇచ్చినా టాలీవుడ్ లోనే మ‌రింత పాపులారిటీని ద‌క్కించుకుని స్టార్ హీరోయిన్ అనిపించుకుంది. స్వ‌త‌హాగా మంచి డ్యాన్స‌ర్ కావ‌డంతో త‌న‌తో క‌లిసి డ్యాన్స్ చేయాలంటే హీరోలు త‌న ప‌క్క‌న తాము ఎక్క‌డ తేలిపోతామోన‌ని భ‌య‌ప‌డిన సంద‌ర్భాలు కూడా వున్నాయంటే సాయి ప‌ల్ల‌వి డ్యాన్స్ ఎంత స్పెష‌లో అర్థం చేసుకోవ‌చ్చు.

గ‌త ఏడాది నానితో 'శ్యామ్ సింగ‌రాయ్‌', నాగ‌చైత‌న్య‌తో 'ల‌వ్ స్టోరీ' వంటి సినిమాల్లో న‌టించి వ‌రుస విజ‌యాల్ని ద‌క్కించుకుంది. ఇక ఈ ఏడాది సోలోగా 'గార్గీ', రానాతో క‌లిసి 'విరాట ప‌ర్వం'లో న‌టించింది. ఈ రెండు సినిమాలు సాయి ప‌ల్ల‌వికి ఆశించిన ఫ‌లితాన్ని అందించ‌లేక‌పోయాయి. 'గార్గి' ప్ర‌శంస‌లు కురిపించినా స‌క్సెస్ ని మాత్రం అందించ‌లేక‌పోయింది. ఈ ఏడాది ఈ రెండు సినిమాల‌తో ప్రేక్ష‌కుల‌ని ప‌ల‌క‌రించిన సాయి ప‌ల్ల‌వి తెలుగులో ప‌లు క్రేజీ ఆఫ‌ర్ల‌ని వ‌దులుకుంది.

ప్ర‌స్తుతం త‌న చేతిలో ఒక్క సినిమా కూడా లేదు. దీంతో సాయి ప‌ల్ల‌వి సినిమాల‌కు గుడ్ బై చెప్ప‌బోతోంద‌ని, త‌న స్వ‌స్థ‌ల‌మైన కోయంబ‌త్తూర్ లో సొంతంగా హాస్పిట‌ల్ ని నిర్మించాల‌నుకుంటోంద‌ని సోస‌ల్ మీడియా వేదిక‌గా ఓ వార్త హ‌ల్ చల్ చేస్తోంది. దీంతో సాయి ప‌ల్ల‌వి అభిమానులు క‌ల‌వ‌రానికి గుర‌వుతున్నారు. అభిమాన న‌టి సినిమాల‌కు గుడ్ బై చెప్ప‌డం ఏంట‌ని.. ఇలాంటి సంచ‌న నిర్ణ‌యానికి ఎందుకు వ‌చ్చార‌ని వాపోతున్నార‌ట‌జ‌.

ఇదిలా వుంటే సాయి ప‌ల్లివి త‌మిళంలో ఓ భారీ మూవీని అంగీక‌రించిన‌ట్టుగా తెలుస్తోంది. క‌మ‌ల్ హాస‌న్ త‌న రాజ్ క‌మ‌ల్ ఇంట‌ర్నేష‌న‌ల్ నిర్మాణంలో శివ కార్తీకేయ‌న్ తో ఓ మూవీని నిర్మించ‌బోతున్నారు. త్వ‌ర‌లో ప్రారంభం కానున్న ఈ మూవీలో శివ కార్తీకేయ‌న్ కు జోడీగా సాయి ప‌ల్ల‌వి న‌టించ‌నుంద‌ని తెలుస్తోంది.

తాజా వార్త‌ల నేప‌థ్యంలో సాయి ప‌ల్ల‌వి పై వ‌స్తున్న వార్త‌ల్లో నిజ‌మెంత‌? . జార్జియాలో ఎంబీ బీఎస్ పూర్తి చేసిన సాయి ప‌ల్ల‌వి నిజంగానే హాస్పిట‌ల్ ని నిర్మించ‌బోతోందా?.. సినిమాల‌కు దూరం కాబోతోందా? అన్న‌ది తెలియాలంటే స్వ‌యంగా సాయి ప‌ల్ల‌వి ఈ వార్త‌ల‌పై క్లారిటీ ఇవ్వాల్సిందేన‌ని ఆమె ఫ్యాన్స్ అంటున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.