సాయి ప‌ల్ల‌వి ఎమోష‌న‌ల్ పోస్ట్ వైర‌ల్

నేచుర‌ల్ స్టార్ నాని న‌టించిన చిత్రం `శ్యామ్ సింగ రాయ్‌`. ఇందులో సాయి ప‌ల్ల‌వి పోషించిన దేవ‌దాసీ పాత్ర‌కు ప్ర‌శంస‌లు ల‌భించాయి. ఈ చిత్రంలో బాంగ్లాదేశ్ నుంచి వ‌ల‌స వ‌చ్చిన దేవ‌దాసీ మైత్రేయి అలియాస్ రోజీ పాత్రలో సాయి ప‌ల్ల‌వి న‌టించిన తీరు ప్ర‌తీ ఒక్క‌రినీ ఆక‌ట్టుకుంది.ఈ పాత్ర కోసం చాలా శ్ర‌మించి ప్రోస్త‌టిక్ మేక‌ప్ వేసుకుని వ‌య‌సుమ‌ళ్లిన రోజీగా క‌నిపించి ఆశ్య‌ర్య‌ప‌రిచింది. అంతే కాకుండా ఈ పాత్ర త‌న‌కు మంచి పేరుని తీసుకురావ‌డంతో ఈ మూవీపై సాయి ప‌ల్ల‌వి ప్ర‌త్యేక అనుబంధాన్ని ఏర్ప‌ర‌చుకుంది.

తాజాగా ఆ అనుబంధాన్ని ఓ లెట‌ర్ రూపంలో వెల్ల‌డించింది.అంతే కాకుండా ఈ చిత్రంలో బెంగాలీ యువ‌తి రోజీ లుక్ లో వున్న ప‌లు ఫొటోల‌ని సోష‌ల్ మీడియా ఇన్ స్టా ద్వారా అభిమానుల‌తో పంచుకుని చిత్ర బృందానికి కృత‌జ్ఞ‌త‌లు తెలుపుతూ భావోద్వేగభ‌రిత‌మైన ఓ పోస్ట్ ని షేర్ చేసింది. ప్ర‌స్తుతం ఈ పోస్ట్ నెట్టింట వైర‌ల్ గా మారింది.

ప్రియ‌మైన టీమ్ కు. నేను సినిమా విజ‌యం సాధించినందుకే కృత‌జ్ఞ‌త‌లు తెలుప‌డం లేదు. మిమ్మ‌ల్ని సినీ ప్రేక్ష‌కులు (నేను మ‌రింత తీవ్ర‌మైన ప‌దాన్నిక‌నుగొన‌గ‌ల‌న‌ని కోరుకుంటున్నాను) యాక్ష‌న్ లో చూస్తున్నందుకు కూడా నేను కృత‌జ్ఞ‌త‌లు తెలియ‌జేస్తున్నాను. జ్ఞాన‌కాల‌కు ధ‌న్య‌వాదాలు` అని త‌ను షేర్ చేసిన ఫొటోల‌కు క్యాప్ష‌న్ ఇచ్చింది.

ప్ర‌స్తుతం సాయి ప‌ల్ల‌వి పోస్ట్ చేసిన ఫొటోలు నెట్టింట వైర‌ల్ గా మారి సంద‌డి చేస్తున్నాయి. సంప్ర‌దాయ బెంగాలీ క‌ట్టుబొట్టులో ద‌ర్శ‌న‌మిస్తున్న సాయి ప‌ల్ల‌వి ఫొటోలు ఆమె అభిమానులతో నాటు సోష‌ల్ మీడియా ఫాలోవ‌ర్స్ ని ఎట్రాక్ట్ చేస్తూ నెట్టింట హాట్ టాపిక్ గా మారాయి. ఈ చిత్రంలోని రోజీ పాత్ర కోసం కాస్ట్యూమ్స్ ని నీర‌జ కోన డిజైన్ చేశారు.

ఈ సంద‌ర్భంగా త‌న‌కు కూడా క్రెడిట్ ఇచ్చేసింది సాయిప‌ల్ల‌వి.సాయి ప‌ల్ల‌వి న‌టించిన `శ్యామ్ సింగ రాయ్‌` గ‌త ఏడాది డిసెంబ‌ర్ 24న విడుద‌లైన విష‌యం తెలిసిందే. జ‌న‌వ‌రి 24తో నెల రోజులు పూర్త‌య్యాయి. ఈ సంద‌ర్భంగా సాయి ప‌ల్ల‌వి ఈ మూవీలోని త‌న పాత్ర‌ని గుర్తు చేస్తూ ఫొటోల‌ని షేర్ చేయ‌డంతో మ‌ళ్లీ ఈ మూవీ వార్త‌ల్లో నిలిచింది.

ఇందులో నేచుర‌ల్ స్టార్ నాని, సాయి ప‌ల్ల‌వి త‌మ త‌మ పాత్ర‌ల‌కు పూర్తి స్థాయిలో న్యాయం చేశారని, వారి కెరీర్ లో ది బెస్ట్ క్యారెక్ట‌ర్స్ ఇవ‌ని స్టార్ హీరోల‌తో పాటు స‌గ‌టు ప్రేక్ష‌కులు కూడా ప్ర‌శంస‌లు కురిపించారు.ఈ మూవీ ఇటీవ‌లే పాపుల‌ర్ ఓటీటీ ప్లాట్ ఫామ్ నెట్ ఫ్లిక్స్ లో విడుద‌లైన విష‌యం తెలిసిందే. అయినా థియేర్ల‌లో ఈ మూవీకి ఏమాత్రం క్రేజ్ త‌గ్గ‌లేదు. రాహుల్ సంక్రీత్య‌న్ ద‌ర్శ‌క‌త్వం వ‌హించిన ఈ చిత్రంలో సాయి ప‌ల్ల‌వితో పాటు కృతిశెట్టి, మ‌డోన్నా సెబాస్టియ‌న్ హీరోయిన్ లుగా న‌టించారు.