సాయి పల్లవికి అరుదైన ఘనత..ఫోర్బ్స్ 30 అండర్ 30లో ఏకైన సౌత్ స్టార్

ఫోర్బ్స్ ఇండియా ప్రకటించిన 30 అండర్ 30 జాబితాలో సాయిపల్లవి చోటు సంపాదించింది. 30 ఏళ్ల లోపు వయసున్న ఇండియన్ యూత్‌ లో ఎక్కువ విజయాలు - గ్రేట్ అచీవ్ మెంట్స్ సాధించిన వారిని గుర్తించి ప్రతీ ఏడాది ఫోర్బ్స్ 30 అండర్ 30 జాబితా ప్రకటిస్తారు. ఇందులో భాగంగా టెక్నాలజీ - హెల్త్ కేర్ - ఫైనాన్స్ - సైన్స్ - డిజైన్ - ఫ్యాషన్ - ఎంటర్ టైన్ మెంట్ - స్పోర్ట్స్ రంగాలకు చెందిన యువతీయువకులను ఎంపిక చేస్తారు. అయితే ఈ ఏడాదికి గాను ఫోర్బ్స్ ప్రకటించిన ఆ జాబితాలో సౌత్ బ్యూటీ సాయి పల్లవి స్థానం సంపాదించింది.

తన నాచురల్ నటనతో సౌత్ సినిమా ఇండస్ట్రీలో స్టార్ హీరోయిన్ గా ఎదిగింది సాయి పల్లవి. మలయాళీ మూవీ ‘ప్రేమమ్’ మూవీతో పరిచయమైన ఈ ముద్దుగుమ్మ తెలుగు ప్రేక్షకులను సైతం 'ఫిదా' చేసింది. ప్రస్తుతం తెలుగు - తమిళ - మలయాళీ సినిమాల్లో సత్తా చాటుతూ భారీ పాపులారిటీ సంపాదించింది సాయి పల్లవి.

సెలెక్టెడ్‌ సినిమాలు చేస్తూ పారితోషికం మాత్రం గట్టిగానే పుచ్చుకుంటున్న సాయి పల్లవి.. ప్రస్తుతం నాగచైతన్య సరసన 'లవ్ స్టోరీ' సినిమాలో నటిస్తోంది. శేఖర్ కమ్ముల దర్శకత్వంలో రూపొందుతున్న ఈ సినిమా అతిత్వరలో విడుదల కానుంది. అలాగే రానా హీరోగా తెరకెక్కుతున్న 'విరాట పర్వం' సినిమాలోనూ నటిస్తోంది సాయి పల్లవి.