40 లక్షలు వదులుకున్న సాయిపల్లవి?

టాలెంటెడ్ హీరోయిన్ సాయిపల్లవి మీద టాలీవుల్లో రకరకాల రూమర్లున్నాయి. ఆమెకు పొగరని.. షూటింగ్ టైంలో యాటిట్యూడ్ చూపిస్తుందని.. సహ నటీనటులు, టెక్నీషియన్లతో సరిగా నడుచుకోదని.. ఇలా రకరకాల రూమర్లు వచ్చాయి ఆమె గురించి. ఆమెతో కలిసి ‘కణం’ సినిమా చేసిన యువ కథానాయకుడు నాగశౌర్య అయితే.. ఓపెన్‌గానే సాయిపల్లవి తీరును దుయ్యబట్టాడు. కానీ సాయిపల్లవి గురించి జరుగుతున్నదంతా దుష్ప్రచారమని.. ఆమె మంచి కోస్టార్ అని అన్నారు నాని, శర్వానంద్ లాంటి వాళ్లు. ఇదిలా ఉంటే సాయిపల్లవి పెద్ద మనసు గురించి తెలియజెప్పే ఒక ఉదంతం తాజాగా బయటికి వచ్చింది. ఇటీవలే ఆమె నటించిన ‘పడి పడి లేచె మనసు’ సినిమా ప్రేక్షకుల ముందుకు వచ్చిన సంగతి తెలిసిందే.

ఈ చిత్రం అంచనాల్ని అందుకోవడంతో ఘోరంగా విఫలమైంది. తొలి రోజు నెగెటివ్ టాక్ తెచ్చుకుని డౌన్ అయిన ఈ చిత్రం.. ఏ దశలోనూ పుంజుకోలేదు. రూ.30 కోట్లకు పైగా బడ్జెట్లో తెరకెక్కిన ‘పడి పడి..’ రూ.10 కోట్ల షేర్ కూడా సాధించలేదు. ఈ చిత్రంతో నిర్మాతగా పరిచయం అయిన సుధాకర్ చెరుకూరి దారుణంగా నష్టపోయాడు. ఐతే తానెంత నష్టపోయినప్పటికీ.. నటీనటులు, టెక్నీషియన్లకు చెల్లింపులు పూర్తి చేయాలనే అనుకున్నాడట సుధాకర్. సాయిపల్లవికి ఆయన ఇంకా రూ.40 లక్షలు బ్యాలెన్స్ ఇవ్వాల్సి ఉందట. ఆ డబ్బు ఇద్దామని సాయిపల్లవిని సంప్రదిస్తే.. సినిమాకు నష్టాలు వచ్చిన నేపథ్యంలో మిగతా పారితోషకం వద్దని అందట. తర్వాత ఆమె కుటుంబ సభ్యులకు ఫోన్ చేసినా వాళ్లు కూడా నో అనే అన్నారట. సుధాకర్ బలవంత పెట్టినా డబ్బులు వద్దనే అన్నారట. సాయిపల్లవి పెద్ద మనసుకు సుధాకర్ ఫిదా అయినట్లు సమాచారం.