డ్యాన్సింగ్ సెస్సేష‌న్ కే నెర‌వేర‌ని ఛాలెంజ్‌

సాయి ప‌ల్ల‌వి.. మంచి న‌టి. ఓడ్యాన్సింగ్ సెన్సేష‌న్‌. పాట‌లో పాదం క‌దిపిందా డాన్స్ ముర‌సిపోవాల్సిందే. అంతా ఆ డ్యాన్స్ కు వ‌న్నెతీసుకురావ‌డంతో సాయి ప‌ల్ల‌విని మించిన వారు లేరంటే అది అతిశ‌యోక్తి కాదేమో. మ‌న టాలీవుడ్ లో వున్న స్టార్ హీరోయిన్ ల‌లో సాయి ప‌ల్ల‌వి దిబెస్ట్ డ్యాన్స్ .. ఈ విష‌యాన్ని హీరోయిన్ లే స్వ‌యంగా ఒప్పుకుంటారు. స్టార్ హీరోలు సైతం సాయి ప‌ల్ల‌వి డ్యాన్స్ కు ఫిదా అయిపోతూ వుంటారు.

ఇక సాయి ప‌ల్ల‌వితో క‌లిసి న‌టించే హీరోలు అయితే ఎక్క‌డ త‌మ‌ని డ్యాన్స్ తో డామినేట్ చేసేస్తుందో అని భ‌య‌ప‌డిన సంద‌ర్భాలు కూడా వున్నాయి. అంతే కాకుండా త‌న డ్యాన్సింగ్ క‌ద‌లిక‌ల‌ని మ్యాచ్ చేయ‌డం క‌ష్ట‌మ‌ని ఆమెతో న‌టించిన హీరోలు ఓపెన్‌గా చెబుతుంటారు కూడా. అయితే అలాంటి డ్యాన్సింగ్ సెన్సేష‌న్ కే నెర‌వేర‌ని ఛాలెంజ్ ఒక‌టి వుందంటే ఆశ్చ‌ర్యం వేయ‌క మాన‌దు. త‌న‌దైన మార్కు డ్యాన్స్ తో ఎంతో మందికి కునుకు లేకుండా చేస్తున్న సాయి ప‌ల్ల‌వికే ఓ పాట నిద్ర‌పోనివ్వ‌డం లేద‌ట‌.

అదే `ముఠామేస్త్రీ` చిత్రంలోని `ఈ పేట‌కు నేనే మేస్తిరీ.. నిరుపేద‌ల పాలిటి పెన్నిధీ..` అంటూ సాగే పాట‌కు మెగాస్టార్ చిరంజీ వేసిన స్టెప్స్ ఇప్ప‌టికీ ఎవ‌ర్ గ్రీనే. ఆ పాట‌లోని స్టెప్స్ ని ట్రై చేయాల‌ని చాలా సార్లు సాయి ప‌ల్ల‌వి ప్ర‌య‌త్నించింద‌ట‌. అయితే తాను ఎంత‌గా ట్రై చేసినా ఆ స్టెప్స్‌ని ప‌ట్ట‌లేక‌పోతున్నాన‌ని వాపోయింది. తాజాగా `శ్యామ్ సింగ రాయ్‌` చిత్రంతో ప్రేక్ష‌కుల ముందుకొచ్చిన సాయి ప‌ల్ల‌వి ఈ చిత్ర ప్ర‌చారంలో భాగంగా ప‌లు మీడియా సంస్థ‌ల‌కు ఇంట‌ర్వ్యూలు ఇస్తోంది. ఈ సంద‌ర్భంగా ఓ మీడియాతో మాట్లాడుతూ ఈ విష‌యాన్ని చెప్పుకొచ్చింది.

అంతే కాకుండా టాలీవుడ్ లో వున్న బెస్ట్ డ్యాన్స‌ర్ మెగాస్టార్ అని, డ్యాన్సులో ఆయ‌న గ్రేస్‌ని ప‌ట్టుకోవ‌డం క‌ష్ట‌మ‌ని స్ప‌ష్టం చేసింది. ఇక `ల‌వ్‌స్టోరీ` ప్రీ రిలీజ్ ఈవెంట్ సంద‌ర్భంగా స్టేజ్ పైకి మెగాస్టార్ చిరంజీవి త‌న‌ని పిలిచి త‌న‌తో క‌లిసి స్టెప్స్ వేయ‌మ‌ని కోర‌డం ఎప్ప‌టికీ మ‌ర్చిపోలేన‌ని, న‌న్ను ఆయ‌న స్టేజ్ పైకి పిల‌వ‌డంతో ఒక్క‌సారిగా షాక్ అయ్యాన‌ని, నా గురించి అంత ప్రేమ‌గా మాట్లాడ‌తార‌ని నేను ఊహించ‌లేద‌ని తెలిపింది.

ఆయ‌న‌కున్న గొప్ప మ‌న‌సే అలా మాట్లాడేలా చేసింద‌ని చెప్పుకొచ్చింది. తాజాగా `శ్యామ్ సింగ రాయ్‌`తో ప్రేక్ష‌కుల ముందుకొచ్చిన సాయి ప‌ల్ల‌వి దేవి దాసి పాత్ర‌లో న‌టించి ప్ర‌శంస‌లు సొంతం చేసుకుంది. ఈ మూవీ త‌రువాత రానాతో క‌లిసి `విరాట ప‌ర్వం`లో న‌టిస్తోంది. షూటింగ్ పూర్తి చేసుకున్న ఈ మూవీ త్వ‌ర‌లో ప్రేక్ష‌కుల ముందుకు రానుంది. ఇందులో వెన్నెల‌గా మ‌రో ఛాలెంజింగ్ పాత్ర‌లో క‌నిపించ‌బోతున్న సాయి ప‌ల్ల‌వి ఈ మూవీతో అవార్డు అందుకోవ‌డం గ్యారెంటీ అంటున్నారు ఇండ‌స్ట్రీ వ‌ర్గాలు.