పల్లవికి పంచ్ పడిందా?

సాయి పల్లవి కి ఇప్పుడు హీరోయిన్ గా విపరీతమైన క్రేజ్ ఉంది. ఆమె నటించిన సినిమాలు.. పల్లవి నటన.. డ్యాన్స్.. అన్నీ ఆడియన్స్ ను మురిపించేస్తున్నాయి. కానీ ఇదే సమయంలో ఆమె బాగా పొగరుబోతు అనే టాక్ కూడా ఎక్కువగానే వినిపిస్తోంది.

రీసెంట్ గా కణం మూవీ రిలీజ్ కి ముందు హీరో నాగశౌర్య.. సాయి పల్లవిపై చాలానే కామెంట్స్ చేశాడు. ఆమె లాంటి హీరోయిన్ ను అసలు చూడనే లేదన్నాడు నాగశౌర్య. ఆ సినిమా ప్రమోషన్స్ లో కూడా పాల్గొనలేదు. ఇప్పుడు సాయిపల్లవిని ఓ తమిళ మూవీ నుంచి తప్పించారని.. ఆమె ప్లేస్ లో సమంతను తీసుకున్నారనే న్యూస్ వైరల్ అవుతోంది. నిత్యా మీనన్.. సాయి పల్లవి హీరోయిన్లుగా శంతను భాగ్యరాజా ఓ చిత్రాన్ని రూపొందిస్తున్నాడు. ఈ మూవీకి సాయి పల్లవి యాక్టింగ్ ప్లస్ అవుతుందని కూడా అంచనా వేసుకొచ్చారు.

అయితే.. ఇప్పుడీ మూవీ నుంచి సాయిపల్లవిని తప్పించారని.. ఇందుకు కారణంగా ఆమె ప్రవర్తనే అని టాక్ వినిపిస్తోంది. గతంలో ఎంసీఏ మూవీ సమయంలో కూడా అటు నిర్మాత దిల్ రాజును.. ఇటు హీరో నానిని కూడా సాయి పల్లవి ఇబ్బంది పెట్టిందనే టాక్ ఉంది. కానీ వారు మాత్రం అలాంటిదేమీ లేదని సర్దిచెప్పేశారు. కానీ ఇప్పుడు ఏకంగా ఓ సినిమా నుంచి ఆమెను తప్పించడం చూస్తే.. సాయి పల్లవి బిహేవియర్ పై అనుమానాలు పెరగక మానవు.