వాటి కోసం రానంటున్న సాయి పల్లవి

ఏ క్షణాన ఫిదా సినిమా ఒప్పుకుందో గాని ఆ సినిమా రిలీజ్ అయినప్పటి నుండి సాయి పల్లవి గురించి మాట్లాడని వారు లేరు. ఆ సినిమా సక్సెస్ లో కీ రోల్ పోషించి.. హిట్ కోసం వెయిట్ చేస్తున్న దర్శకుడికి , హీరోకి మంచి విజయాన్ని ఇచ్చిందనే చెప్పాలి. తన నటనతో తెలుగు ప్రేక్షకులను ఫిదా చేసిన ఈ బ్యూటీ రోజు రోజుకి తన మాటలతో జనాలను ఇంకా ఆకర్షిస్తోంది.

రీసెంట్ ఈ అమ్మడు చెప్పిన కొన్ని మాటల గురించి తెలుసుకుంటే ఎంతటివారైనా ఫిదా అవ్వాల్సిందే.. ఎందుకంటే ఈ అమ్మడికి ఫిదా హిట్ తర్వాత ఆఫర్లు బాగానే వస్తున్నాయట. కానీ కథలో తనకు ప్రాధాన్యత ఉంటేనే ఒకే చేస్తుందట. అంతే కాకుండా కొన్ని షాపింగ్ మాల్స్ ఓపెనింగ్స్ కో , మొబైల్ షాప్స్ ఓపెనింగ్స్ కి రమ్మని కోరుతున్నారట. సాయి పల్లవి వస్తే కొంచెం డబ్బును గట్టిగానే ఇస్తామని కూడా రిక్వెస్ట్ చేస్తున్నారట. కానీ ఈ ఫిదా హీరోయిన్ కి అలాంటివి అస్సలు ఇష్టం ఉండదని చెబుతోంది. డబ్బు కోసం అలాంటి పనులు అస్సలు చేయదట కానీ మంచి కార్యక్రమాలకు మాత్రం ఒక్క రూపాయి కూడా తీసుకోకుండా హ్యాపీగా వస్తానని చెప్పి తన మంచి తనాన్ని చాటుకుంది. హాస్పిటల్, చారిటీ ట్రస్ట్, వెళ్ఫెర్ ఈవెంట్స్ వంటి కార్యక్రమాలలో పాల్గొనడానికి మాత్రం ఎలాంటి అభ్యంతరాలు లేకుండా వస్తానని చెప్పి అందరి దృష్టిని ఆకర్షించింది సాయి పల్లవి.

ప్రస్తుత రోజుల్లో హీరోయిన్స్ ఒక్క హిట్ రాగానే ఓ వైపు సినిమాలు మరో వైపు యాడ్స్ తో పాటు ఈవెంట్స్ కి వెళ్లి డబ్బులు వెనకేసుకుంటున్నారు. కానీ సాయి పల్లవికి అవేమీ ఇష్టం ఉండదని చెబుతూ.. మంచి కార్యక్రమాలకు సహకరిస్తానని చెప్పిన తీరుకు నిజంగా ఎంతటివారైనా ఫిదా అవ్వాల్సిందే.. అలాగే ఈ అమ్మడికి డాక్టర్ కావాలని అనుకుందట కానీ అనుకోకుండా అవకాశాలు రావడంతో సినిమాల్లోకి ఎంట్రీ ఇచ్చిందట ఈ ఫిదా బ్యూటీ.