అ సినిమాకు నో చెప్పిన భానుమతి

'ఫిదా' లో హైబ్రిడ్ పిల్ల భానుమతి పాత్రతో తెలుగు ప్రేక్షకులను ఫిదా చేసిన సాయి పల్లవికి తెలుగులో మంచి క్రేజ్ ఉంది. అడపాదడపా సాయి పల్లవి హీరోలను డామినేట్ చేస్తోందని వార్తలు వస్తూ ఉంటాయిగానీ వాటితో సంబంధం లేకుండా సాయిపల్లవికి ఆఫర్లు వస్తూనే ఉన్నాయి. తాజాగా సాయిపల్లవికి అలానే ఒక ఆఫర్ వస్తే 'నో' చెప్పిందని ఫిలిం నగర్ టాక్.

'ఉయ్యాలా జంపాలా'.. 'మజ్ను' సినిమాల దర్శకుడు విరించి వర్మ తన నెక్స్ట్ సినిమాను నందమూరి కళ్యాణ్ రామ్ తో చేస్తున్నాడు. ఈ సినిమాను సితార ఎంటర్టైన్మెంట్స్ బ్యానర్ వారు నిర్మిస్తారు. ఈ సినిమాలో హీరోయిన్ గా సాయిపల్లవిని తీసుకుందామని భావించారట. కానీ సినిమా కథ పెద్దగా ఇంప్రెస్ చేయకపోవడం తో సాయిపల్లవి ఈ ఆఫర్ ను రిజెక్ట్ చేసిందట. దీంతో మరో హీరోయిన్ కోసం వెతుకులాట మొదలుపెట్టారట. ఈ సినిమా ఒక విలేజ్ నేపథ్యంలో జరిగే ప్రేమ కథ అని.. కళ్యాణ్ రామ్ ను ఈ సినిమాలో కొత్తగా చూపించే ప్రయత్నం చేస్తున్నాడట విరించి వర్మ.

ఇదిలా ఉంటే.. సాయి పల్లవి హీరోయిన్ గా నటించిన తాజా చిత్రం 'పడి పడి లేచే మనసు' ఈనెల లోనే ప్రేక్షకుల ముందుకు రానుంది. హను రాఘవపూడి దర్శకత్వంలో తెరకెక్కిన ఈ సినిమాలో శర్వానంద్ హీరో.