వచ్చిండే ను వ్యూస్ లో దాటేసిన రౌడీ బేబీ!

యూట్యూబ్ లో అత్యధికంగా వ్యూస్ ఉన్న సౌత్ ఇండియన్ వీడియో సాంగ్ ఏది? గతంలో అయితే 'ఫిదా' సినిమాలోని 'వచ్చిండే'. ఇప్పుడు ఆ పాట రెండో స్థానానికి వెళ్ళిపోయింది. 'మారి 2' సినిమాలోనే 'రౌడీ బేబీ'. రెండూ పాటలూ సాయిపల్లవి నటించినవే కావడం విశేషం.

వచ్చిండే పాటకు ఇప్పటివరకూ 182 మిలియన్ వ్యూస్ (18.2 కోట్లు) వచ్చాయి. రౌడీ బేబీ పాటకు 183 మిలియన్ వ్యూస్ (18.3 కోట్లు) రావడం విశేషం. వచ్చిండే వీడియో పాటను సెప్టెంబర్ 2017 లో యూట్యూబ్ లో అప్ లోడ్ చెయ్యగా ఇప్పటి వరకూ ఆ వ్యూస్ తెచ్చుకుంది. కానీ రౌడీ బేబీ పాట ను ఒక నెల క్రితం మాత్రమే.. అంటే ఈ ఏడాది జనవరి 2 న అప్లోడ్ చేశారు. ఈ లెక్కన రౌడీ బేబీ హంగామా ఏ రేంజ్ లో ఉందో మనం అర్థం చేసుకోవచ్చు. లైక్స్ లో కూడా రౌడీ బేబీనే ముందుంది. వచ్చిండే కు 445k లైక్స్ మాత్రమే ఉంటే.. రౌడీ బేబీ లైక్స్ సంఖ్య 1.4 మిలియన్ ఉంది.

నెలన్నర లోపే ఈ రేంజ్ వ్యూస్.. లైక్స్ సాధించిన రౌడీ బేబీ ఫ్యూచర్ లో మరింతగా సంచలనం సృష్టించడం ఖాయం. ఈ రౌడీ బేబీ పాటకు సంగీతం అందించింది యువన్ శంకర్ రాజా. ధనుష్.. దీ(దీక్షిత వెంకడేశన్) ఈ పాటను పాడారు. ఈ పాటకు ప్రభుదేవా కొరియోగ్రఫి అందించారు.