ఫస్ట్‌ టైమ్ సాయి పల్లవి ఐటెం సాంగ్ ఐనా పర్వాలేదు అంటోంది

బ్యూటీ విత్ బ్రెయిన్‌ ఉన్న వారు జీవితంలో సక్సెస్ అయితే.. ఇండస్ట్రీలో సక్సెస్‌ అవ్వాలంటే మాత్రం బ్యూటీ విత్‌ ట్యాలెంట్ అవసరం. బ్యూటీ విత్ ట్యాలెంట్‌ కు అద్బుతమైన ఉదాహరణ అంటే సాయి పల్లవి అనడంలో సందేహం లేదు. స్వతహాగా డాన్సర్ అయిన సాయి పల్లవి యాక్టింగ్ లో కూడా సూపర్ అనిపించుకుంది. అందం.. అభినయం.. డాన్స్ అన్ని విషయాల్లో కూడా ది బెస్ట్ అనిపించుకునే సాయి పల్లవి ప్రస్తుతం టాలీవుడ్‌ లో వరుస సినిమాలతో దూసుకు పోతుంది. తనకు కథ నచ్చితేనే కమిట్ అవ్వడంతో పాటు.. పాత్ర విషయంలో చాలా జాగ్రత్తలు తీసుకునే సాయి పల్లవి ప్రాముఖ్యత లేని పాత్రలు అయితే స్టార్‌ హీరో సినిమాను కూడా వదిలేస్తుంది. చిరంజీవి భోళా శంకర్ సినిమా ను చెల్లి పాత్ర అది కాకుండా రీమేక్ సినిమా లో పాత్ర అవ్వడం వల్ల సాయి పల్లవి నో చెప్పింది. చిరంజీవి వంటి పెద్ద స్టార్‌ సినిమాకు నో చెప్పింది అంటూ సాయి పల్లవిని జనాలు ఓ రేంజ్ లో ట్రోల్‌ చేస్తున్న సమయంలో చిరంజీవి మాట్లాడుతూ సాయి పల్లవి ఆ పాత్రకు నో చెప్పడమే మంచిది అయ్యిందని.. ఆమెతో నేను స్టెప్పులు వేయాలనుకుంటున్నాను కాని అన్నా చెల్లిగా నటించాలనుకోవడం లేదని అన్నాడు. ఆ సమయంలో సాయి పల్లవి నుండి మాట రాలేదు.

తాను రీమేక్ సినిమా అని మాత్రమే ఆ సినిమాకు నో చెప్పాను తప్ప చిరంజీవి గారంటే నాకు ఇప్పుడు ఎప్పుడు గౌరవం అభిమానం ఉందని చెప్పుకొచ్చింది. సోషల్‌ మీడియాలో చిరంజీవి తో సాయి పల్లవి సినిమా గురించి చర్చ జరుగుతోంది. ఇటీవల లవ్‌ స్టోరీ సినిమా ప్రమోషన్ లో భాగంగా సాయి పల్లవి మాట్లాడుతూ చిరంజీవి గారితో నటించడం కోసం వెయిట్ చేస్తున్నాను. ఆయన ఎప్పుడు ఓకే అంటే అప్పుడు.. ఏ పాత్రకు అయినా నేను చేసేందుకు సిద్దం అన్నట్లుగా సాయి పల్లవి చెప్పింది. చిరంజీవి గారితో డాన్స్ చేయడం కోసం సాయి పల్లవి మొదటి సారి ఐటెం సాంగ్ లో కూడా నటించేందుకు సిద్దం అన్నట్లుగా పేర్కొంది. మొత్తానికి చిరంజీవి సినిమా కు ఇంతకు ముందు నో చెప్పినందుకు ఇప్పుడు ఆయన సినిమాలో ఐటెం సాంగ్ కు కూడా ఓకే చెప్పేందుకు సిద్దం ఉన్నట్లుగా ప్రకటించి మెగా అభిమానుల్లో ఉన్న కోపంను కొంత అయినా తగ్గించింది. సాయి పల్లవి మరియు చిరంజీవిల కాంబో డాన్స్ ను వచ్చే ఏడాది వరకు ఏదో ఒక సినిమాలో ఖచ్చితంగా ప్రేక్షకులు చూడటం ఖాయం అంటూ ఇండస్ట్రీ వర్గాల వారు చాలా నమ్మకంతో చెబుతున్నారు.

లవ్ స్టోరీ సినిమాతో ప్రేక్షకుల ముందుకు వచ్చిన సాయి పల్లవి నటనకు మంచి మార్కలు పడ్డాయి. అంతే కాకుండా సినిమాలోని ఆమె డాన్స్ కు అంతా ఫిదా అవుతున్నారు. ఈ అమ్మాయికి అసలు ఎముకలు ఉన్నాయా అనేంతగా డాన్స్ చేస్తోంది. సాయి పల్లవి ముందు ముందు చిరంజీవితో పాటు మరింత మంది స్టార్స్ తో కూడా నటించే అవకాశం దక్కించుకోవడం ఖాయం అంటున్నారు. లవ్‌ స్టోరీ తర్వాత ఈమె చేసిన నాని సినిమా త్వరలోనే ప్రేక్షకుల ముందుకు రాబోతుంది. సాయి పల్లవి నటన మరియు డాన్స్ లతో సినిమా స్థాయిని పెంచేస్తుంది. ముందు ముందు సినిమా లు కూడా ఆమె ఇమేజ్ ను పెంచడంతో పాటు ప్రేక్షకులను ఎంటర్‌ టైన్ చేస్తాయని ఆశిద్దాం. సాయి పల్లవి తో సినిమా ను చేసేందుకు కేవలం చిరంజీవి మాత్రమే కాకుండా మరి కొందరు స్టార్‌ హీరోలు కూడా కోరుకుంటున్నారు. చిరంజీవి ఆ విషయాన్ని బయటకు వెళ్లడించగా ఇతర హీరోలు మాత్రం వెళ్లడించకుండా తమ మనసులో ఉంచుకున్నారని గుసగుసలు వినిపిస్తున్నాయి.