టీజ‌ర్ టాక్: సాయిప‌ల్ల‌వి మ‌రోసారి థ్రిల్లింగ్ షో

బ్యాక్ టు బ్యాక్ సినిమాల‌తో సాయి ప‌ల్ల‌వి పేరు మార్మోతున్న సంగ‌తి తెలిసిందే. ఈ బ్యూటీ నటించిన విరాఠ‌ప‌ర్వం- ల‌వ్ స్టోరి చిత్రాలు రిలీజ్ ల‌కు రావాల్సి ఉంది. తాజాగా మ‌రో సినిమా రిలీజ్ కి రెడీ అవుతోంది. మలయాళ స్టార్ హీరో ఫహద్ ఫాసిల్ .. సాయి ప‌ల్ల‌వి ప్రధాన పాత్ర‌ల్లో న‌టించిన‌ అతిరన్ అనే మలయాళ చిత్రాన్ని తెలుగులో అనుకోని అతిథి పేరుతో రిలీజ్ చేస్తున్నారు. ఇది మే 28 న ఆహాలో స్ట్రీమింగ్ కానుంది.

తాజాగా టీజర్ ను ఆవిష్కరించారు. ఈ టీజర్ క్లిప్ లో సాయి పల్లవి నటన హైలైట్ గా నిలిచింది. సైక‌లాజిక‌ల్ డిజార్డ‌ర్ ఉన్న యువ‌తిగా సాయిప‌ల్ల‌వి అభినివేశం థ్రిల్ కి గురి చేస్తోంది. మెడిక‌ల్ కాలేజ్ నుంచి పారిపోయిన పేషెంట్ గా సాయిప‌ల్ల‌వి పాత్ర ఆ త‌ర్వాత ఎలాంటి థ్రిల్స్ కి గురి చేసింది అన్న‌ది తెర‌పైనే చూడాలి. మ‌ల‌యాళ సంస్కృతి క‌ళ‌రియ‌ప‌ట్టు విద్య‌ల‌ను ఈ సినిమాలో ట‌చ్ ఇచ్చార‌ని టీజ‌ర్ చెబుతోంది.

అనుకోని అతిడిలో ప్రకాష్ రాజ్- అతుల్ కులకర్ణి - రెంజీ పానికర్ ఇతర కీలక పాత్రలలో నటించారు. వివేక్ దర్శకత్వం వహించిన అతిరాన్ కేరళ బాక్సాఫీస్ వద్ద బాగా రాణించింది. తెలుగు ప్రేక్షకుల నుండి ఎలాంటి ఆద‌ర‌ణ పొందుతుందో వేచి చూడాలి. అతిరన్ 12 ఏప్రిల్ 2019 న కేరళలోని థియేటర్లలో విడుదలైంది. తెలుగులోకి డబ్ చేయబడిన వెర్షన్ థియేటర్ విడుదలకు ప్లాన్ చేసినా కానీ క‌రోనా క్రైసిస్ వ‌ల్ల‌ చాలాసార్లు వాయిదా పడింది. చివరికి ఈ చిత్రం ఆహాలో అందుబాటులో కి వ‌స్తోంది.