భానుమతి చెల్లెలూ హైబ్రిడ్ పోరీనే

ఫిదాలో హైబ్రిడ్ పిల్ల ఒక్కటే పీస్ అంటూ అల్లరి చేసిన సాయి పల్లవికి ఒక చెల్లెలు కూడా ఉందన్న సంగతి తనను బాగా ఫాలో అయ్యే వాళ్ళకు తెలుసు. తన పేరు పూజా కన్నన్. తరచుగా ఇద్దరు కలిసి దిగిన ఫోటోలు సోషల్ మీడియాలో షేర్ చేసుకునే సాయి పల్లవి తనను కూడా సినిమాల్లోకి తీసుకొచ్చే ప్రయత్నాలు చేస్తున్నట్టు కనిపిస్తోంది. తను ఓకే చెప్పాలి కాని అక్కా చెల్లెలు ఇద్దరినీ పెట్టి సినిమాలు తీయడానికి నిర్మాతలు క్యు కట్టేలా ఉన్నారు. కాస్త దూరం నుంచి చూస్తే ఇద్దరు కవలలేమో అనిపించేలా ఉంటారు సాయి పల్లవి, పూజా. పైన చూసారుగా అక్కచెల్లెళ్ళ అనుబంధానికి నిజమైన ప్రతీకగా హత్తుకుని ఇచ్చిన స్టిల్ ఫాన్స్ ని బాగా ఆకట్టుకుంటోంది. గతంలో కొన్ని లఘు చిత్రాల్లో నటించిన పూజా కన్నన్ మలయాళంలో హీరొయిన్ గా పరిచయం చేసే ప్రయత్నాలైతే జరుగుతున్నాయి.

సాయి పల్లవి మాత్రం తన కెరీర్ విషయంలో తగిన జాగ్రత్తలే తీసుకుంటోంది. ప్రస్తుతం తన డైరీ చాలా బిజీ గా ఉంది. కణం విడుదలకు సిద్ధంగా ఉండగా శర్వానంద్ తో చేస్తున్న పడి పడి లేచె మనసు షూటింగ్ శరవేగంగా సాగుతోంది. మరో వైపు ధనుష్ తో మారి 2 తో పాటు సూర్యతో మరో సినిమా చేస్తున్న సాయి పల్లవి డిమాండ్ మామూలుగా లేదు. వచ్చిన కథలన్నీ ఒప్పుకోకుండా చాలా సెలెక్టివ్ గా సినిమాలు చేస్తున్న సాయి పల్లవి నిన్న జరిగిన కణం వేడుకలో ప్రధాన ఆకర్షణగా నిలిచింది.

అక్కా చెల్లెళ్ళు ఒకేసారి కెరీర్ లో సక్సెస్ కావడం చాలా అరుదైనప్పటికి అసాధ్యం మాత్రం కాదు. బాలీవుడ్ లో కరిష్మా కపూర్ హవా తగ్గాక కరీనా కపూర్ దూసుకువచ్చి స్టార్ గా సెటిల్ అయిపోయింది. కానీ అలా ప్రతిసారి కుదరకపోవచ్చు. అప్పట్లో భానుప్రియ చెల్లెలు శాంతి ప్రియ హీరొయిన్ గా వర్క్ అవుట్ చేసుకోలేకపోయింది. కాజల్ అగర్వాల్ చెల్లి నిషా అగర్వాల్ సినిమాలు సెట్ కాక ఫ్యామిలీతో సెటిల్ అయిపోయింది. మరి సాయిపల్లవి సిస్టర్స్ ఏ బ్యాచ్ లో వస్తారో వేచి చూడాలి.