అనాధ బాల‌ల మ‌ధ్య సాయితేజ్ బ‌ర్త్ డే వేడుక‌లు!

మెగా మేన‌ల్లుడు సాయితేజ్ కెరీర్ జ‌ర్నీ గురించి చెప్పాల్సిన ప‌నిలేదు. న‌టుడిగా టాలీవుడ్ లో త‌న‌కంటూ ప్ర‌త్యేక‌మైన గుర్తింపు ద‌క్కించుకున్నారు. మెగా ఇమేజ్ తో ఎంట్రీ ఇచ్చినా అటుపై ప్ర‌తిభ‌తో అవ‌కాశాలు ద‌క్కించుకుంటున్నారు. న‌టుడిగా తానేంట నిరూపించుకుని త‌న‌దైన మార్క్ చిత్రాల‌తో ముందుకు వెళ్తున్నారు.

ఇటీవ‌లి కాలంలో కమ‌ర్శియ‌ల్ పంథాకు దూరంగా ఉంటూ వైవిథ్య‌మైన చిత్రాల‌తో కెరీర్ ని ప్లాన్ చేసుకుంటున్నాడు. ప్ర‌స్తుతం ఆయ‌న హీరోగా ప‌లు చిత్రాల్లో న‌టిస్తున్నాడు. ఈ నేప‌థ్యంలో తాజాగా ఆయ‌న పుట్టిన‌రోజు వేడుక‌లు ఈనెల 15న జ‌రిగిన‌ట్లు తెలుస్తోంది. ఈ సారి బ‌ర్త్ డేని అనాధ బాలల మ‌ధ్య ఘ‌నంగా జ‌రుపుకున్నారు.

ప్లైజోన్ హైద‌రాబాద్ ట్రామ్పోలిన్ పార్క్‌లో బాల‌ల‌తో ఆడుతూ గడిపారు. తాజాగా సెల‌బ్రేష‌న్స్ కి సంబం ధించిన వీడియో నెట్టింట వైర‌ల్ అవుతోంది. చిన్నారుల స‌మ‌క్షంలో కేక్ క‌ట్ చేసారు. అనంత‌రం బాల‌ల‌తో కాసేపు మాట మంతి చేసి వాళ్ల‌తో క‌లిసి ఆట‌లాడారు. ఇలా చిన్నారుల మ‌ధ్య వేడుక‌లు జ‌రుపుకోవ‌డం సంతోషంగా ఉంద‌న్నారు తేజ్. మెగా మేన‌ల్లుడి దాతృత్వం గు రించి చెప్పాల్సిన ప‌నిలేదు. సామాజిక‌ సేవా కార్య‌క్ర‌మాల్లో చురుకుగా పాల్గొంటారు.

ఇక యంగ్ హీరో కెరీర్ సంగ‌తి చూస్తే ఆ మ‌ధ్య 'రిప‌బ్లిక్' తో విమ‌ర్శ‌కుల ప్ర‌శంలందుకున్నా క‌మ‌ర్శియ‌ల్ గా సినిమా రాణించ‌లేదు. దీంతో సాయితేజ్ రేసులో కాస్త‌ వెనుక‌బ‌డ్డట్లే క‌నిపిస్తుంది. స‌క్సెస్ అనివార్య‌మైన స‌మ‌యం ఇది. స‌రైన హిట్ కొట్టి రేసులోకి రావాల్సిన అవ‌స‌రం ఉంది. మున‌ప‌టంత వేగంగా క‌మిట్ అవ్వ‌కుండా క‌థ‌ల విష‌యంలో ఆచితూచి అడుగులు వేస్తున్నాడు.

ప్ర‌స్తుతం ఆయ‌న‌ క‌థానాయ‌కుడిగా కార్తీక్ దండు ద‌ర్శ‌క‌త్వంలో ఓ చిత్రం తెర‌కెక్కుతోంది. ఇదొక మిస్టిక‌ల్ థ్రిల్ల‌ర్ జోన‌ర్ సినిమా. పూర్తిగా కాన్సెప్ట్ బేస్ట్ క‌థ‌. ఇటీవ‌ల కాలంలో ఇలాంటి క‌థ‌ల‌కు ఆద‌ర‌ణ బాగుంది. ఈనేప‌థ్యంలో సాయితేజ్ గేర్ మార్చిన‌ట్లు క‌నిపిస్తుంది. స‌క్సెస్ ఫార్ములాపై దృష్టి పెట్టి ముందుకెళ్తున్నాడు. అలాగే కొత్త క‌మిట్ మెంట్ల‌పైనే జోరుగా పావులు క‌దుపుతున్నాడు. వ‌చ్చిన గ్యాప్ ని వీలైనంత‌ త్వ‌ర‌గా పుల్ ఫిల్ చేయాల‌ని ప్లాన్డ్ గా ముందుకెళ్తున్నాడు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.