Begin typing your search above and press return to search.
ఓటీటీలో సత్తా చాటుతున్న సాయి తేజ్ 'రిపబ్లిక్'
By: Tupaki Desk | 6 Dec 2021 11:32 AM GMT
ప్రముఖ డిజిటల్ ఫ్లాట్ ఫార్మ్ జీ5 తెలుగు ప్రేక్షకులను అలరించడానికి సరికొత్త సినిమాలు - వెబ్ సిరీస్ లతో పాటుగా డైరెక్ట్ ఓటీటీ రిలీజులను అందుబాటులోకి తీసుకొస్తోంది. ఈ క్రమంలో గతవారం సుప్రీమ్ హీరో సాయి తేజ్ నటించిన 'రిపబ్లిక్' సినిమాని ప్రీమియర్ గా ఓటీటీలోకి తీసుకొచ్చారు.
'ప్రస్థానం' ఫేమ్ దేవకట్టా దర్శకత్వంలో తెరకెక్కిన ఈ చిత్రాన్ని గాంధీ జయంతి సందర్భంగా అక్టోబర్ 1న థియేట్రికల్ రిలీజ్ చేసారు. పొలిటికల్ యాక్షన్ డ్రామాగా రూపొందిన ఈ సినిమా విమర్శకుల ప్రశంసలు పొందింది. అయితే ఇప్పుడు ఓటీటీలో కూడా ఈ సినిమా విశేష స్పందన తెచ్చుకుంటోంది.
కరోనా భయం కారణంగా థియేటర్లలో 'రిపబ్లిక్' చిత్రాన్ని చూడలేకపోయిన జనాలు ఇప్పుడు జీ5 లో చాలా ఉత్సాహంతో వీక్షిస్తున్నారని తెలుస్తోంది. నవంబర్ 26న ప్రసారమైన ఈ సినిమా కేవలం ఏడు రోజుల్లోనే 12 కోట్ల వ్యూయింగ్ నిమిషాలను సాధించి రికార్డ్ క్రియేట్ చేసింది. ఈ క్రమంలో సాయి తేజ్ కెరీర్ లో విజయవంతమైన సినిమాగా నిలిచిపోయింది.
ఈ మూవీ థియేటర్లలో విడుదలైనప్పుడు సాయి తేజ్ రోడ్డు ప్రమాదానికి గురై ఆసుపత్రిలో చికిత్స తీసుకుంటున్నారు. అందువల్ల సినిమా విజయాన్ని ఆస్వాదించలేకపోయిన తేజ్.. ఇప్పుడు ఓటీటీలో సక్సెస్ ని ఎంజాయ్ చేస్తున్నారని తెలుస్తోంది.
'రిపబ్లిక్' చిత్రంలో ప్రజాస్వామ్య వ్యవస్థ బలోపేతం కావడంలో శాసన కార్య న్యాయ శాఖలతో పాటుగా ప్రజల పాత్ర ఏంటనే ప్రశ్నలను లేవనెత్తారు.
ఇది సామాజిక స్పృహతో కూడిన సినిమా. రాజకీయ నాయకుల కనుసన్నలలో ప్రభుత్వ అధికారులు పని చేయడాన్ని ఎత్తి చూపించింది. దారితప్పిన ప్రజాస్వామ్యాన్ని గాడిలో పెట్టడానికి ఓ యువ ఐఎఎస్ అధికారి ఎలాంటి ప్రయత్నాలు చేశారు? ఈ క్రమంలో అతను ఎలాంటి సవాళ్ళను ఎదుర్కొన్నారు? దాని పర్యవసానం ఏంటి? అనేది దర్శకుడు దేవా కట్ట తనదైన శైలిలో సినిమాలో చూపించారు.
కాగా, 'రిపబ్లిక్' చిత్రంలో పంజా అభిరామ్ పాత్రలో సాయి తేజ్ నటించగా.. ఐశ్వర్య రాజేష్ హీరోయిన్ గా కనిపించింది. రమ్యకృష్ణ - జగపతిబాబు - సుబ్బరాజు - రాహుల్ రామకృష్ణ - పోసాని కృష్ణమురళి - శ్రీకాంత్ అయ్యంగార్ తదితరులు ఇతర కీలక పాత్రలు పోషించారు.
మణిశర్మ ఈ చిత్రానికి సంగీతం సమకూర్చగా.. ఎమ్ సుకుమార్ సినిమాటోగ్రఫీ అందించారు. జె.బి.ఎంటర్టైన్మెంట్స్ బ్యానర్ పై జె.భగవాన్ - జె.పుల్లారావు ఈ చిత్రాన్ని నిర్మించారు. గతంలో 'సోలో బ్రతుకే సో బెటర్' సినిమాని జీ5 లో విడుదల చేసిన సాయి తేజ్.. ఇప్పుడు 'రిపబ్లిక్' చిత్రంతో మరోసారి ప్రేక్షకులను ఆకట్టుకున్నారు.
'ప్రస్థానం' ఫేమ్ దేవకట్టా దర్శకత్వంలో తెరకెక్కిన ఈ చిత్రాన్ని గాంధీ జయంతి సందర్భంగా అక్టోబర్ 1న థియేట్రికల్ రిలీజ్ చేసారు. పొలిటికల్ యాక్షన్ డ్రామాగా రూపొందిన ఈ సినిమా విమర్శకుల ప్రశంసలు పొందింది. అయితే ఇప్పుడు ఓటీటీలో కూడా ఈ సినిమా విశేష స్పందన తెచ్చుకుంటోంది.
కరోనా భయం కారణంగా థియేటర్లలో 'రిపబ్లిక్' చిత్రాన్ని చూడలేకపోయిన జనాలు ఇప్పుడు జీ5 లో చాలా ఉత్సాహంతో వీక్షిస్తున్నారని తెలుస్తోంది. నవంబర్ 26న ప్రసారమైన ఈ సినిమా కేవలం ఏడు రోజుల్లోనే 12 కోట్ల వ్యూయింగ్ నిమిషాలను సాధించి రికార్డ్ క్రియేట్ చేసింది. ఈ క్రమంలో సాయి తేజ్ కెరీర్ లో విజయవంతమైన సినిమాగా నిలిచిపోయింది.
ఈ మూవీ థియేటర్లలో విడుదలైనప్పుడు సాయి తేజ్ రోడ్డు ప్రమాదానికి గురై ఆసుపత్రిలో చికిత్స తీసుకుంటున్నారు. అందువల్ల సినిమా విజయాన్ని ఆస్వాదించలేకపోయిన తేజ్.. ఇప్పుడు ఓటీటీలో సక్సెస్ ని ఎంజాయ్ చేస్తున్నారని తెలుస్తోంది.
'రిపబ్లిక్' చిత్రంలో ప్రజాస్వామ్య వ్యవస్థ బలోపేతం కావడంలో శాసన కార్య న్యాయ శాఖలతో పాటుగా ప్రజల పాత్ర ఏంటనే ప్రశ్నలను లేవనెత్తారు.
ఇది సామాజిక స్పృహతో కూడిన సినిమా. రాజకీయ నాయకుల కనుసన్నలలో ప్రభుత్వ అధికారులు పని చేయడాన్ని ఎత్తి చూపించింది. దారితప్పిన ప్రజాస్వామ్యాన్ని గాడిలో పెట్టడానికి ఓ యువ ఐఎఎస్ అధికారి ఎలాంటి ప్రయత్నాలు చేశారు? ఈ క్రమంలో అతను ఎలాంటి సవాళ్ళను ఎదుర్కొన్నారు? దాని పర్యవసానం ఏంటి? అనేది దర్శకుడు దేవా కట్ట తనదైన శైలిలో సినిమాలో చూపించారు.
కాగా, 'రిపబ్లిక్' చిత్రంలో పంజా అభిరామ్ పాత్రలో సాయి తేజ్ నటించగా.. ఐశ్వర్య రాజేష్ హీరోయిన్ గా కనిపించింది. రమ్యకృష్ణ - జగపతిబాబు - సుబ్బరాజు - రాహుల్ రామకృష్ణ - పోసాని కృష్ణమురళి - శ్రీకాంత్ అయ్యంగార్ తదితరులు ఇతర కీలక పాత్రలు పోషించారు.
మణిశర్మ ఈ చిత్రానికి సంగీతం సమకూర్చగా.. ఎమ్ సుకుమార్ సినిమాటోగ్రఫీ అందించారు. జె.బి.ఎంటర్టైన్మెంట్స్ బ్యానర్ పై జె.భగవాన్ - జె.పుల్లారావు ఈ చిత్రాన్ని నిర్మించారు. గతంలో 'సోలో బ్రతుకే సో బెటర్' సినిమాని జీ5 లో విడుదల చేసిన సాయి తేజ్.. ఇప్పుడు 'రిపబ్లిక్' చిత్రంతో మరోసారి ప్రేక్షకులను ఆకట్టుకున్నారు.
