తెలుగులో సినిమాలు ఆయన కారణంగానే చేస్తున్నా: మేజర్ హీరోయిన్

టాలీవుడ్ ఇండస్ట్రీలో బాలీవుడ్ హీరోయిన్స్ రాక ఇంకా రోజురోజుకి పెరుగుతూనే ఉంది. అలాగే బాలీవుడ్ ముద్దుగుమ్మలు కూడా తెలుగు సినిమాలవైపు మొగ్గు చూపుతున్నారు. కానీ కొందరు మాత్రమే అనుకోకుండా వస్తారు సెటిల్ అవుతుంటారు. కొందరు కావాలని వచ్చినా అదృష్టం లేక వెనుదిరిగి వెళ్ళిపోతారు. ప్రస్తుతం ఎంట్రీ ఇవ్వడానికి సిద్ధంగా అయితే ఉంది యంగ్ బ్యూటీ సాయి మంజ్రేకర్. ఈ 22ఏళ్ల కుర్రభామ సౌత్ డెబ్యూనే పాన్ ఇండియా మూవీతో చేస్తోంది. అడవిశేష్ ప్రధానపాత్రలో తెరకెక్కిన మేజర్ అనే బయోపిక్ మూవీతో ఎంట్రీ ఇవ్వనుంది సాయి. అయితే ఈ సినిమా తెలుగుతో పాటు వివిధ భాషల్లో రిలీజ్ కాబోతుంది.

ఇదిలా ఉండగా.. ఈ అమ్మడు తాజాగా తెలుగు సినిమాలు ఒప్పుకోవడానికి కారణం ఏంటని అడిగితే క్రేజీగా సమాధానం చెప్పింది. సాయి మాట్లాడుతూ.. "నేను తెలుగు సినిమాలు ఒప్పుకోవడానికి కారణం మా నాన్న(డైరెక్టర్ మహేష్ మంజ్రేకర్). ఆయనే సౌత్ వైపు ట్రై చేయమని ప్రోత్సాహం అందించారు. అలాగే నాకు భాష తెలియదు కాబట్టి తెలుగు సినిమానా అనే సందేహం ఉండేది. కానీ అయితే మా నాన్న చెప్పాడు.. మనకు లాంగ్వేజ్ అనేది ప్రాబ్లెమ్ కాదు. మన పెర్ఫార్మన్స్ మాట్లాడాలని చెప్పేసరికి ఓకే చెప్పేసాను. ప్రస్తుతం నా నిర్ణయం కరెక్ట్ అని హ్యాపీగా ఉన్నాను" అంటూ చెప్పుకొచ్చింది. సాయి మంజ్రేకర్ మేజర్ తో పాటుగా వరుణ్ తేజ్ సరసన గని సినిమాలో నటిస్తోంది. చూడాలి మరి ఈ వయ్యారి అదృష్టం ఎలా ఉందో.. సాయితో పాటుగా త్వరలో అనన్యపాండే, దీపికా పదుకొనే తెలుగు డెబ్యూకి రెడీ అవుతున్నారు.