రానాతో సాయిపల్లవి లాంగ్ రైడ్.. హైవే ముచ్చట్లు

కొన్ని నెలల క్రితమే థియేటర్లోకి రావాల్సిన విరాట పర్వం సినిమా వాయిదాల పర్వం అనంతరం ఈనెల 17వ తేదీన ప్రేక్షకుల ముందుకు రాబోతోంది.

అయితే ఈ సినిమాకు సంబంధించిన ప్రమోషన్ విషయంలో చిత్రయూనిట్ ఏ మాత్రం తగ్గకుండా ప్రణాళికలు రచిస్తోంది. ముఖ్యంగా సాయి పల్లవి హైలెట్ చేస్తూ రానా దగ్గుబాటి చేస్తున్న ప్రమోషన్ అయితే మామూలుగా లేదు. తప్పకుండా సాయి.పల్లవి సినిమాలను ఇష్టపడే ఆడియన్స్ కు వస్తారు అని నిర్మాతలు కూడా నమ్ముతున్నారు.

ఎందుకంటే ఈ సినిమాపై ఓ వర్గం జనాల్లో సాయి పల్లవి తప్పితే మిగతా విషయాల్లో పెద్దగా అంచనాలు అయితే లేవు. పైగా ఇలాంటి రోజుల్లో నక్సల్స్ బ్యాక్ డ్రాప్ లో ఒక ప్రేమ కథ ను చూపించడం అంటే కాస్త రిస్కుతో కూడుకున్న పని. ఇక ఈ సినిమాను ప్రమోట్ చేయడానికి ఇటీవల రానా దగ్గుబాటి సాయిపల్లవి ప్రత్యేకంగా హైవే లో కారులో కూర్చుని ప్రత్యేకంగా ఇంటర్వ్యూ ఇవ్వడం విశేషం.

ఇక ఇంటర్వ్యూలో సినిమా గురించి అనేక రకాల విషయాలను చెప్పిన సాయి పల్లవి రానా ఒక ఇంటర్వ్యూ ఇచ్చినట్లు కాకుండా చాలా క్యాజువల్ గా సినిమా గురించి మాట్లాడటం హైలైట్గా నిలిచింది. ముఖ్యంగా సినిమాలు ఎందుకు చూడాలి అనే విషయంలో కూడా క్లారిటీ ఇచ్చారు. వ్యక్తిని లేదా ఏదైనా పనిని మనం ప్రేమిస్తే ఎంతగా దాని కోసం ముందుకు వెళ్తాము అనే విషయం ఈ సినిమాలో హైలెట్ కాబోతుందట.

ముఖ్యంగా ఎలాంటి సంబంధం లేని ఒక వ్యక్తి గురించి తెలుసుకుని ఒక అమ్మాయి ఆ ప్రేమ కోసం ఎంతవరకు వెళ్ళింది అనేది ఈ సినిమాలోని మెయిన్ పాయింట్ అని తెలుస్తోంది. ఇక పక్కగా ఈ సినిమాలో సాయి పల్లవినే హీరో అని కూడా రానా దగ్గుబాటి మరోసారి తెలియజేశాడు. మరోవైపు రానా కూడా సినిమాలో చాలా హైలెట్గా నిలిచాడు అని సాయి పల్లవి చెప్పింది.

ఇక సినిమాలో ఒక తెలియని భావం ఉంది అని ప్రతి డైలాగ్ కూడా ఒక పోయెట్రీ గా ఉంటుంది అని ఆ విధంగా దర్శకుడు వేణు ఉడుగుల విరాటపర్వంను తెరపైకి తీసుకు వచ్చినట్లుగా వివరణ ఇచ్చారు. చూసిన ప్రతి ఒక్కరు కూడా ఒక మంచి ఫీల్ గుడ్ తో బయటకు వస్తారని రానా దగ్గుబాటి ధీమా వ్యక్తం చేశాడు. మరి ఈ సినిమా అంచనాలను అందుకుంటుందో చూడాలి.