#ప్ర‌భాస్ స‌లార్ .. కేజీఎఫ్ గ‌నుల్లో షూటింగా?

ప్ర‌భాస్ బ్యాక్ టు బ్యాక్ వ‌రుస సినిమాల‌ షూటింగుల‌తో బిజీగా ఉన్న సంగ‌తి తెలిసిందే. ఓవైపు స‌లార్ షూటింగ్.. మ‌రోవైపు ఆదిపురుష్ 3డి షూటింగ్ కోసం అటూ ఇటూ లొకేష‌న్లు మారుతున్నారు. ఈలోగానే నాగ్ అశ్విన్ కూడా లైన్ లోకి వ‌చ్చేస్తున్నార‌న్న‌ది తాజా స‌మాచారం.

భారీ యాక్ష‌న్ ఎంట‌ర్ టైన‌ర్ స‌లార్ వ‌చ్చే ఏడాది ఏప్రిల్ లో రిలీజ‌వుతుండ‌గా.. అదే ఏడాది ఆగ‌స్టులో ఆదిపురుష్ 3డి రిలీజ‌వుతుంది. ఆ మేర‌కు ప్రభాస్ ఇరు చిత్రాల‌కు షెడ్యూల్స్ ని కేటాయించారు. ఇటీవ‌ల సింగ‌రేణి బొగ్గు గ‌నుల్లో స‌లార్ చిత్రీక‌ర‌ణ ముగించిన ప్రభాస్ ఏప్రిల్ మూడో వారంలో త‌దుప‌రి కీల‌క స‌న్నివేశాల చిత్ర‌ణ‌తో పాటు శ్రుతితో పాట‌ల చిత్రీక‌ర‌ణ‌లో పాల్గొంటారట‌. ఈ షెడ్యూల్ ని సెంటిమెంటుగా కోలార్ బంగారు గ‌నుల్లో ప్లాన్ చేశార‌ని తెలిసింది. ఇక్క‌డే కేజీఎఫ్ షూటింగ్ చేశారు కాబ‌ట్టి అది సెంటిమెంటుగా క‌లిసొస్తుంద‌ని భావిస్తున్నార‌ట‌. అయితే ఈ షెడ్యూల్ ప్రారంభ‌మ‌య్యే లోపు ప్ర‌భాస్ ఆదిపురుష్ షెడ్యూల్ ని పూర్తి చేసేందుకు వెళుతున్నార‌ట‌.

ఇక నాగ్ అశ్విన్ కూడా ఇప్ప‌టికే సైన్స్ ఫిక్ష‌న్ మూవీని సెట్స్ పైకి తీసుకెళ్లేందుకు త‌హ‌త‌హ‌లాడుతున్నారు. ఏప్రిల్ లేదా మేలో ఈ సినిమా కూడా ప్రారంభ‌మ‌వుతుంద‌ని స‌మాచారం.

స‌లార్ అంటే ధైర్య‌వంతుడు.. కుడిభుజం.. నాయ‌కుడు అని అర్థాలు ఉన్నాయి. అందుకు త‌గ్గ‌ట్టే అత‌డి పాత్ర‌ను మాఫియా కేట‌గిరీలో భారీ యాక్ష‌న్ తో ప్ర‌శాంత్ నీల్ తీర్చిదిద్దార‌ని తెలుస్తోంది. 2022 ఏప్రిల్ లో రిలీజ్ కాబ‌ట్టి ఇప్ప‌టినుంచే స‌లార్ కి ప్రీబిజినెస్ లో డిమాండ్ నెల‌కొంది. ఇంత‌కుముందు అమెజాన్ ప్రైమ్ కి 100కోట్ల‌కు స్ట్రీమింగ్ రైట్స్ క‌ట్ట‌బెడుతున్నార‌ని ప్ర‌చార‌మైంది.