స‌లార్.. ప్రభాస్ వ‌ర్సెస్ సేతుపతి..!?

డార్లింగ్ ప్ర‌భాస్ బ్యాక్ టు బ్యాక్ ప్రాజెక్టుల‌తో బిజీగా ఉన్న సంగ‌తి తెలిసిందే. ఆదిపురుష్ 3డి.. నాగ్ అశ్విన్ సైన్స్ ఫిక్ష‌న్.. కేజీఎఫ్ ద‌ర్శ‌కుడితో సినిమా.. ఇవ‌న్నీ అత‌డి లైన‌ప్ ని బ‌లోపేతం చేశాయి.

కేజీఎఫ్ ద‌ర్శ‌కుడితో స‌లార్ టైటిట్ ని ప్ర‌క‌టించి మ‌రింత హీట్ పెంచాడు ప్రభాస్. ఈ టైటిల్ కి త‌గ్గ‌ట్టే పెద్ద బడ్జెట్ ‌లో హై వోల్టేజ్ యాక్షన్ ఎంటర్ టైనర్ ని డిజైన్ చేశారు. ఇందులో విల‌న్ పాత్ర కోసం ప్ర‌శాంత్ నీల్ ప‌లువురు ఆర్టిస్టుల పేర్ల‌ను ప‌రిశీలించి చివ‌రికి త‌మిళ స్టార్ విజ‌య్ సేతుప‌తిని ఫైన‌ల్ చేశార‌ని తెలుస్తోంది.

స‌లార్ షూట్ ఫిబ్రవరి నుండి ప్రారంభమవుతుంది. శ‌ర‌వేగంగా రికార్డు సమయంలో పూర్తి చేస్తార‌ని తెలుస్తోంది. విమర్శకుల ప్రశంసలు పొందిన తమిళ నటుడు విజయ్ సేతుపతి ప్ర‌స్తుతం టాలీవుడ్ లో బిజీ బిజీ. మెగా కాంపౌండ్ లో వైష్ణ‌వ్ తేజ్ న‌టించిన ఉప్పెన చిత్రంలో న‌టించారు. బ‌న్ని పుష్ప‌లోనూ సేతుప‌తి ప్ర‌ధాన ఆప్షన్.

విజయ్ సేతుపతిని స‌లార్ కోసం ఇంకా సంప్రదించారా లేదా? అన్న‌దానిపై టీమ్ స్పందించాల్సి ఉంది. మ‌రో రెండు వారాల్లో దీనిపై పూర్తి క్లారిటీ రానుంద‌ని తెలుస్తోంది. అలాగే ప్రభాస్ స‌ర‌స‌న దిశా పటానీ క‌థానాయిక‌గా న‌టించ‌నుందని ఊహాగానాలు సాగుతున్నాయి. హోంబాలే ఫిల్మ్స్ సంస్థ ఈ చిత్రాన్ని నిర్మిస్తోంది. సలార్ ఈ ఏడాది దాసరాకి పాన్ ఇండియన్ రిలీజ్ కి అవ‌కాశాల్ని ప‌రిశీలిస్తున్నారు.