సలార్‌' తో ప్రైమ్‌ రికార్డ్‌ బ్రేకింగ్ డీల్.. బాలీవుడ్‌ సినిమాలు దిగదుడుపే

ప్రభాస్ హీరోగా శృతి హాసన్ హీరోయిన్ గా కేజీఎఫ్‌ దర్శకుడు ప్రశాంత్ నీల్ దర్శకత్వంలో రూపొందుతున్న సలార్‌ సినిమా క్రేజ్ ఆకాశమే హద్దు అన్నట్లుగా ఉంది. కేజీఎఫ్ 2 సినిమా విడుదలకు సిద్దం అవుతున్న ఈ సమయంలోనే సలార్‌ మూవీ రేట్లు విపరీతంగా పలుకుతున్నాయి. కేజీఎఫ్‌ 2 విడుదల తర్వాత సలార్ రేట్లు చుక్కలను అంటడం ఖాయం అంటున్నారు. కేజీఎఫ్ 2 చిత్ర దర్శకుడు ప్రశాంత్‌ నీల్ మరియు బాహుబలి సాహో వంటి పాన్‌ ఇండియా బిగ్గెస్ట్ సక్సెస్ చిత్రాల హీరో ప్రభాస్‌ ల కాంబో మూవీ అవ్వడం వల్ల సలార్‌ పై వందల కోట్లు కురిపించేందుకు బయ్యర్లు ముందుకు వస్తున్నారు.

ఇండస్ట్రీ వర్గాల నుండి అందుతున్న సమాచారం ప్రకారం సలార్ సినిమా ఓటీటీ రైట్స్ ను అది కూడా థియేట్రికల్ రిలీజ్ అయిన స్ట్రీమింగ్ కోసం ఏకంగా వంద కోట్ల ఆఫర్‌ ఇచ్చారట. ఇప్పటి వరకు ఏ ఇండియన్ సినిమాకు ఈ రేంజ్‌ లో ఆఫర్‌ వచ్చింది లేదు.. బాలీవుడ్‌ బిగ్గెస్ట్‌ సూపర్‌ హిట్ సినిమాలు కూడా ఈ రేంజ్‌ లో బిజినెస్ చేసింది లేదు. సలార్‌ మూవీ ని అన్ని భాషల్లో డబ్‌ చేసుకుని స్ట్రీమింగ్‌ చేసుకోవడం కోసం ప్రైమ్‌ వారు ఈ మొత్తంను ఆఫర్‌ చేశారు. కేజీఎఫ్‌ మరియు సాహో సినిమాలు అమెజాన్ లో వచ్చాయి. ఆ రెండు సినిమా లు కూడా అమెజాన్ లో విపరీతమైన వ్యూస్ ను దక్కించుకున్నాయి. అందుకే ఆ రెండు సినిమా హీరో దర్శకుడి కాంబోలో వస్తున్న మూవీ అవ్వడం వల్ల సలార్‌ పై అంచనాలు ఆకాశాన్ని తాకేలా ఉన్నాయి. అందుకే ప్రైమ్‌ వారు ఏమాత్రం ఆలోచన చేయకుండా వంద కోట్ల ఆఫర్‌ ను ఇచ్చారని టాక్ వినిపిస్తుంది.