సలార్ షూట్.. ఎంతవరకు వచ్చిందంటే?

కేజీఎఫ్ 1 & 2 సినిమాలతో ఇండియన్ బాక్సాఫీస్ దుమ్ము దులిపి కొత్త రికార్డులు సృష్టించారు డైరెక్టర్ ప్రశాంత్ నీల్. మరోవైపు బాహుబలి సినిమాతో పాన్ ఇండియా స్టార్ గా ఎదిగి మోస్ట్ బిజీ యాక్టర్ గా మారిపోయాడు ప్రభాస్. వీరిద్దరి కాంబినేషన్ లో వస్తున్న మూవీయే సలార్. అటు ప్రభాస్ ఫ్యాన్స్, ఇటు ప్రశాంత్ నీత్ అభిమానులు ఎప్పుడెప్పుడా అని ఎదురుచూస్తున్న సినిమా ఇది.

ఈ సినిమాకు సంబంధించి అప్పుడప్పుడు అప్ డేట్స్ ఇస్తూ ఫ్యాన్స్ ను ఎంగేజ్ లోనే ఉంచుతున్నారు ఈ సినిమా మూవీ మేకర్స్. తాజాగా మరో అప్‌డేట్‌ ఇచ్చి అభిమానులను ఖుషీ చేస్తున్నారు. సలార్ మూవీ షూటింగ్ మరో 30 నుండి 35 రోజుల్లో పూర్తి అవుతుందని సలార్ మూవీ టీం పేర్కొంది.

తదుపరి రాబోయే షూటింగ్ షెడ్యూల్ లో ప్రభాస్ పాల్గొంటాడని చిత్ర బృందం పేర్కొంది. మరో రెండు రోజుల్లో జరగబోయే షెడ్యూల్ లో ప్రభాస్ పాల్గొని ఈ నెలాఖరు వరకు నాన్ స్టాప్ షూటింగ్ లో పాల్గొంటాడని సలార్ టీం తెలిపింది. ఈ షెడ్యూల్ తో మెజారిటీ షూటింగ్ పూర్తవుతుందని వెల్లడించింది. మిగిలిన భాగాన్ని రాబోయే కొద్ది వారాల్లో ముగించనున్నారు. ఈ ఏడాది సెప్టెంబర్ 28న సినిమాను విడుదల చేసేందుకు ప్లాన్ చేస్తున్నారు.

సలార్ మూవీని విజయ్ కిరంగదూర్ నిర్మిస్తున్నారు. హోంబలే ఫిల్స్మ్ పతాకంపై తెరకెక్కుతోంది. ఇప్పటికే యూరప్, మిడిల్ ఈస్ట్, ఆఫ్రికాలోని పలు దేశాల్లో సలార్ చిత్రీకరణ జరిగింది. సలార్ మూవీని నిర్మాతలు మొత్తం 5 భాషల్లో విడుదల చేయనున్నారు. ఏకకాలంలో కన్నడ, తెలుగు భాషల్లో చిత్రీకరణ జరుపుతున్నారు. సలార్ చిత్రంలో శృతి హాసన్, పృథ్వీరాజ్ సుకుమారన్, జగపతి బాబు, ఈశ్వరీ రావు, శ్రీయా రెడ్డి తదితరులు ప్రధాన పాత్రలు పోషిస్తున్నారు.

మరోవైపు ప్రభాస్ సలార్ తో పాటు నాగ్ అశ్విన్ తెరకెక్కిస్తున్న సైఫై ఫిల్మ్ ప్రాజెక్ట్ కేలో పాల్గొంటున్నాడు. ఈ సినిమాలో ప్రభాస్ సరసన దీపికా పదుకొనే నటిస్తోంది. ఇవే కాకుండా ఓం రౌత్ డైరెక్షన్ లో తెరకెక్కుతున్న ఆదిపురుష్ సినిమాను కూడా ప్రభాస్ చేస్తున్నాడు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.