ఆ రీమేక్ స్క్రిప్ట్ ఇద్ద‌రు రిజెక్ట్ చేశారు

బాలీవుడ్ స్టార్ డైరెక్ట‌ర్ రోహిత్ శెట్టి వ‌రుస సినిమాల‌తో స్వింగులో ఉన్న సంగ‌తి తెలిసిందే. సింబా చిత్రంతో బ్లాక్ బ‌స్ట‌ర్ కొట్టి ఆ హుషారులో వ‌రుస‌గా సినిమాల‌కు ద‌ర్శ‌క‌త్వం వ‌హిస్తున్నాడు. ఇటు పాన్ ఇండియా స్టార్ ప్ర‌భాస్ తోనూ ఓ భారీ చిత్రానికి రోహిత్ శెట్టి ప్లాన్ చేశాడ‌న్న ప్ర‌చారం ఇంత‌కుముందు సాగింది.

ప్ర‌స్తుతం రోహిత్ శెట్టి స్వీయ నిర్మాణంలో `స‌త్తే పే స‌త్తా రీమేక్` చేసే ప్ర‌య‌త్నాల్లో ఉన్నారు. దీనికి ఫ‌రాఖాన్ ద‌ర్శ‌క‌త్వం వ‌హిస్తారు అని అత‌డే ప్ర‌క‌టించారు. అలాగే సల్మాన్ ఇందులో క‌థానాయ‌కుడిగా న‌టిస్తాడ‌ని అన్నారు. అయితే తాజా స‌మాచారం ప్ర‌కారం.. స‌ల్మాన్ త‌న‌కు ఆ స్క్రిప్ట్ న‌చ్చ‌లేద‌ని అన్నార‌ట‌. ఇంత‌కుముందు హృతిక్ రోష‌న్ తిర‌స్క‌రించారు. ఇప్పుడు స‌ల్మాన్ కూడా రిజెక్ట్ చేయ‌డంతో ఈ సీన్ లోకి ఏ హీరో వ‌స్తారు? అన్న‌ది చూడాలి.

క్లాసిక్ సినిమాల్ని రీమేక్ చేసి మెప్పించ‌డం అంటే అంత సులువేమీ కాదు. వాటికి ప్ర‌త్యేకించి ఫ్యాన్ ఫాలోయింగ్ ఉంటుంది. ఒక‌వేళ నేటి త‌రానికి ఎక్కించేంత‌గా ట్రెండీ గా స్క్రిప్టు కుదిరితేనే స్టార్లు అంగీక‌రించే వీలుంటుంది. ద‌ర్శ‌కురాలిగా ఇప్ప‌టికే ఫ‌రాకి చాలా గ్యాప్ వ‌చ్చింది. బ‌హుశా స్క్రిప్టును మ‌ల‌చ‌డంలో ఏదీ కుద‌ర‌లేదేమో.. అందుకే ఇద్ద‌రు హీరోలు తిరస్క‌రించేశారు మ‌రి.