భాయ్ వేదిక ఎక్కితే అంత ప్యాకేజీ ముట్టాలి!

వేదిక‌ల‌పై పెర్ఫామెన్స్ కోసం స‌ల్మాన్ ఖాన్ - షారూక్ ఖాన్ లాంటి స్టార్లు భారీ ప్యాకేజీలు అందుకుంటార‌న్న సంగ‌తి తెలిసిందే. ఆ ఇద్ద‌రూ పెళ్లి వేడుక‌ల్లో పెర్ఫామెన్స్ కి ఇంత‌కుముందు భారీ పారితోషికాలు అందుకున్నారు.

సల్మాన్ ఖాన్ విష‌యానికి వ‌స్తే.. ఖాన్ ల త్ర‌యంలో ఇటీవ‌ల దూకుడు మీద ఉన్న హీరోగా టాక్ నడుస్తోంది. అత‌డు దేశంలోనే పెద్ద స్టార్.

ఏదైనా ఒక ఈవెంట్ లేదా అవార్డు షో కోసం లైవ్ పెర్ఫామెన్స్ కి రావాలంటే ప్రతిసారీ కోట్లలో ప్యాకేజీ వ‌సూల్ చేస్తాడు.

తాజా సమాచారం మేర‌కు.. సల్మాన్ ఒక్కో స్టేజ్ పెర్ఫార్మెన్స్ కి 5 కోట్లు వసూలు చేస్తున్నాడు. ఇది భారీ ప్యాకేజీనే అయినా కానీ సల్మాన్ రాక‌తో ఈవెంట్ లు జ‌నాల‌తో కిట‌కిట‌లాడుతుంటాయి. అందుకే ఎంత డిమాండ్ చేసినా కానీ ఈ షోల నిర్వాహకులు కాస్త ఆలోచించడం లేదు.

ఇటీవ‌ల 'బిగ్ బాస్' సీజన్ ని హోస్ట్ చేసినందుకు స‌ల్మాన్ ప్రతి వారానికి 25 కోట్లు వ‌సూలు చేసాడు. ఇది భారతదేశంలో ఇప్పటి వరకు ఏ స్టార్ కైనా బుల్లితెర‌పై అత్యధిక పారితోషికం. సల్మాన్ త‌దుప‌రి టైగర్ 3లో కనిపించనున్నాడు.

క‌బీ ఈద్ క‌బీ దీపావ‌ళి చిత్రీక‌ర‌ణ‌పైనా అత‌డు ఫోక‌స్ చేసాడు. పెళ్లిలో డ్యాన్సులు చేసేం షారూక్ ఖాన్ సైతం ఇంత‌కుముందు కోట్ల‌లో ప్యాకేజీ తీసుకునేవార‌ని టాక్ ఉంది.