సల్మాన్ ని అమీర్ ని మెప్పించిందట..

క్వీన్, తను వెడ్స్ మను రిటర్న్స్ ఘన విజయాలతో కెరీర్ లోనే భీకర ఫామ్ లో వున్న కంగనా రనౌత్ కొత్త సినిమా 'కట్టీ బట్టి' విడుదలకు సిద్ధంగావుంది. ఈ చిత్ర కధాంశమే సరికొత్తగా వుంటుందని, ప్రధాన పాత్రలో కంగనా ఇరగదీసిందని దర్శకుడు తెలపడం విశేషం.

ఇమ్రాన్ ఖాన్ హీరోగా కనిపించనున్న ఈ సినిమా ప్రేమకధ నేపధ్యమేగానీ సాధారణ ప్రేమకధల మాదిరిగా వుండదట. ముందుగా ఈ చిత్రాన్ని ఒప్పుకోకూడదని కంగనా స్క్రిప్ట్ కూడా చదవలేదట. అయితే సల్మాన్ ఖాన్ స్క్రిప్ట్ ని ఎంతగానో పొగిడి తప్పకుండా చెయ్యమని కంగనాకి సూచించడంతో స్క్రిప్ట్ చదివి ఆ పై నచ్చి ఒప్పుకున్నట్టు సమాచారం.

ఇక ఇటీవలే భజరంగీ భాయ్ జాన్ సినిమా చూసి కంటతడి పెట్టుకున్న విషయం తెలిసినదే. అలానే ఈ చిత్రం చూసికూడా భావోద్వేగాలకు గురై కన్నీరు కార్చాడట. మిస్టర్ పర్ఫెక్ట్ నే ఏడిపించిన సినిమా అంటే లోపల విషయం బాగానే వున్నట్టు మరి. ఇంకెందుకు ఆలస్యం బాలీవుడ్ ప్రియులు టికెట్ ల వేటకు బయల్దేరండి మరి..