సల్మాన్ ఖాన్ - ఆయుష్ శర్మ `ఆంటిమ్` ఫ‌స్ట్ లుక్

చాలా ఎదురుచూపులు ఎంతో ఎగ్జ‌యిట్ మెంట్ తరువాత స‌ల్మాన్ భాయ్ న‌టిస్తున్న `యాంటీమ్: ది ఫైనల్ ట్రూత్` మొదటి పోస్టర్ విడుదలైంది. ఇది భయంకరమైన గ్యాంగ్ స్టర్ ఆయుష్ శర్మ తో సీరియ‌స్ కాప్ సల్మాన్ ఖాన్ వార్ ని ఎలివేట్ చేస్తోంది. గ్యాంగ్ స్ట‌ర్ తో పోలీసోడి ఆడుకున్నాడా? పోలీసోడితో గ్యాంగ్ స్ట‌ర్ ఆడుకున్నాడా? అన్నది తెలియాలంటే యాంటిమ్ రిలీజ్ కావాల్సిందే.

ఓవైపు టైగ‌ర్ సిరీస్ తో బిజీగా ఉన్న స‌ల్మాన్ భాయ్ యాంటిమ్ తోనూ హీట్ పెంచుతున్నాడు. తాజా పోస్ట‌ర్ ఇప్పుడు అభిమానుల్లోకి వైర‌ల్ గా దూసుకెళ్లింది. ఇద్దరు వ్యక్తుల మధ్య ఘర్షణ నేప‌థ్యంలో ఈ సినిమా ఆద్యంతం యాక్ష‌న్ ఎపిసోడ్స్ తో ర‌క్తి క‌ట్టించ‌నుంద‌ని అర్థమ‌వుతోంది. విభిన్న భావజాలాలతో ఒక పోలీసు .. గ్యాంగ్‌స్టర్ చుట్టూ సినిమా కథాంశాన్ని హైలైట్ చేస్తూ ఈ మూవీని తెర‌కెక్కిస్తున్నారు. ఆ ఇద్ద‌రినీ ఎవ‌రి కోణంలో వారిని హీరోలుగానే ఎలివేట్ చేస్తుండ‌డం యాంటిమ్ లో స్క్రీన్ ప్లే ప్ర‌త్యేక‌త అని ప్ర‌చార‌మ‌వుతోంది. పూర్తిగా రెండు విభిన్న ప్రపంచాల నుండి ఇద్దరు బలమైన.. శక్తివంతమైన వ్య‌క్తుల‌ ముఖాముఖి పోరాటం ఆద్యంతం గ‌గుర్పాటుకు గురి చేసేలా ఎలివేట్ చేస్తున్నార‌ని తెలిసింది. ఆవేశం కొట్లాట‌లు వగైరా వ‌గైరా మ‌రో లెవ‌ల్లో ఆవిష్క‌రిస్తున్నారు.

ఇంతకుముందు సినిమా ఫస్ట్ లుక్ విడుద‌లై ప్రేక్షకులను ఆశ్చర్యపరిచింది. మొద‌టి చిత్రం లవ్ యాత్రిలో పక్కింటి కుర్రాడిలా సన్నని రూపంతో క‌నిపించిన ఆయుష్ ఉన్న‌ట్టుండి భీక‌రంగా మారి ఆశ్చ‌ర్య‌ప‌రిచాడు. ల‌వ్ యాత్రిలో ఎంతో ప‌ద్ధ‌తైన గుజరాతీ యువ‌కుడిగా క‌నిపించాడు. కానీ ఇంత‌లోనే `ఆంటిమ్: ది ఫైనల్ ట్రూత్‌`లో భయంకరమైన అత్యంత బ‌ల‌శాలి అయిన గ్యాంగ్ స్టర్ గా ఆయుష్ త‌న‌ని తాను ఎలివేట్ చేసుకోవ‌డం ఆస‌క్తిని క‌లిగిస్తోంది. యువ‌హీరో ఆయుష్ శ‌ర్మ .. స‌ల్మాన్ సోద‌రి అర్పిత‌ను పెళ్లాడిన సంగ‌తి తెలిసిందే. అందుకే ఇప్పుడు బావ బావ‌మ‌రుదుల ఆట బావుంది అంటూ అభిమానులు ఎగ్జ‌యిట్ అయిపోతున్నారు. సల్మాన్ ఖాన్ ఫిల్మ్స్ సమర్పణలో యాంటీమ్ ను సల్మా ఖాన్ నిర్మిస్తున్నారు. మహేష్ మంజ్రేకర్ దర్శకత్వం వహిస్తున్నారు.