బాలీవుడ్ ఖాన్ తోనే పోటీనా?

బాలీవుడ్ లో గత కొంత కాలంగా స్టార్ డమ్ కంటే కథలే ఎక్కువగా క్రేజ్ అందుకుంటున్నాయి. అంతే కాకుండా కథకు కరెక్ట్ గా సెట్ అయ్యేలా పాత్రలను చేస్తే కుర్ర హీరోలు కూడా స్టార్ డమ్ ని ఈజీగా అందుకుంటున్నారు. బాక్స్ ఆఫీస్ బద్దలు కొట్టడంతో ఈ రోజుల్లో స్టార్ డమ్ కంటే టాలెంట్ మెయిన్ పాయింట్ గా నిలుస్తోంది. ఆ తరహాలో ఇప్పుడు 200 కోట్ల మార్కెట్ ను ఈజీగా దాటేస్తున్న హీరో రన్ వీర్ సింగ్. రామ్ లీలా - బాజిరావ్ మస్తాని అలాగే రిసేంట్ గా వచ్చిన పద్మావత్ సినిమాలు ఇండస్ట్రీ హిట్ గా నిలిచాయి.

అయితే ఇప్పుడు రన్ వీర్ అభిమానులను చాలా సంపాదించుకున్నాడు. ముఖ్యంగా యూత్ లో మనోడి క్రేజ్ ఓ లెవెల్లో ఉంది. ఇక ఎలాంటి సమయంలో అయినా రన్ వీర్ సినిమాను దైర్యంగా రిలీజ్ చేయవచ్చు అని అతనితో వర్క్ చేస్తోన్న దర్శకనిర్మాతలకు నమ్మకం కలుగుతోంది. ఇక అసలు విషయానికి వస్తే.. 2018 డిసెంబర్ లో రన్ వీర్ బాలీవుడ్ కండల వీరుడు సల్మాన్ ఖాన్ తో పోటీ పడటానికి సిద్ధపడుతున్నట్లు తెలుస్తోంది. రన్ వీర్ తెలుగు టెంపర్ ని రీమేక్ చేస్తున్నాడు. అలాగ్ సల్మాన్ ఖాన్ - దబాంగ్ 3 చేయలని డిసైడ్ అయ్యాడు.

రెండు పోలీస్ పాత్రలే కావడంతో వీరి ఫైట్ ఆసక్తికరంగా మారింది. 2015 డిసెంబర్ లో రన్ వీర్ షారుక్ ఖాన్ దిల్ వాలే సినిమాతో బాజిరావ్ మస్తాని సినిమాను పోటీకి దించాడు. ఆ సినిమా మంచి పోటీని ఇవ్వడమే కాకుండా కుర్ర హీరో మార్కెట్ ను పెంచేసింది. ఇక ఇప్పుడు పోలీస్ రోల్ లో కనిపిస్తూ సల్మాన్ తో బాక్స్ ఆఫీస్ యుద్ధానికి సిద్ధమయ్యాడు. సల్మాన్ దబాంగ్ 3 స్క్రిప్ట్ ఇప్పటికే రెడీ అయ్యింది. ప్రభుదేవా సినిమాకు దర్శకత్వం వహించనున్నాడు. ఇక టెంపర్ రీమేక్ ను గోల్ మాల్ దర్శకుడు రోహిత్ శెట్టి తెరకెక్కిస్తున్నాడు.