'పోకిరి' నుంచి స‌ల్మాన్ భాయ్ మ‌న వెంటే..!

మ‌హేష్‌- పూరి కాంబినేష‌న్ బ్లాక్ బ‌స్ట‌ర్ మూవీ 'పోక‌రి'ని 'వాంటెడ్' పేరుతో హిందీలో రీమేక్ చేసిన స‌ల్మాన్ భాయ్ త‌న కెరీర్ బెస్ట్ హిట్ ని అందుకున్న సంగ‌తి తెలిసిందే. అప్ప‌టి నుంచి తెలుగులో హిట్టు సినిమాల క‌థ‌ల్ని భాయ్ ఎగ‌రేసుకుని పోయేందుకు ఆత్రంగానే ఎదురు చూస్తున్నాడు. హిందీ ద‌ర్శ‌కుల ఒరిజిన‌ల్ క‌థ‌ల కంటే సౌత్ బ్లాక్ బ‌స్ట‌ర్లపైనే అత‌డి గురి మ‌రింత‌గా పెరిగింద‌ని ఇటీవ‌లి అత‌డి ప్ర‌య‌త్నాలు వెల్ల‌డిస్తున్నాయి.

ప్ర‌స్తుతం సల్మాన్ ఖాన్ 'భాయిజాన్' అనే సినిమా చేస్తున్నాడు. పూజా హెగ్డే ఇందులో కథానాయిక. ఈ చిత్రం ప్రస్తుతం షూటింగ్ జరుపుకుంటోంది. ఇది సౌత్ హిట్ చిత్రానికి రీమేక్ అని ఫిల్మ్ సర్కిల్స్ లో గాసిప్ వినిపిస్తోంది. పవన్ కళ్యాణ్ నటించిన 'కాటమరాయుడు' చిత్రానికి అఫీషియల్ రీమేక్ అని గుస‌గుస‌లు వినిపిస్తున్నాయి.

మరోవైపు 'కాటమరాయుడు' త‌ళా అజిత్ న‌టించిన‌ హిట్ మూవీ 'వీరమ్‌'కి రీమేక్. ద‌రువు శివ ఈ చిత్రాన్ని తెర‌కెక్కించారు. ఇది ఎమోష‌న‌ల్ యాక్ష‌న్ ఎంట‌ర్ టైన‌ర్ గా ఆక‌ట్టుకుంది. ఇక భాయిజాన్ ప్రోమో అన్ని చోట్ల నుంచి మంచి ప్రశంసలు అందుకుంది. చిరంజీవి గాడ్ ఫాదర్ లో కూడా సల్మాన్ కనిపించనున్నాడు. ఈ చిత్రాన్ని హిందీలోనూ విడుదల చేయ‌నున్నార‌ని స‌మాచారం.

తెలుగు ఐట‌మ్ పాట‌ల రీమిక్సుల్లోనూ..

స‌ల్మాన్ భాయ్ న‌టించిన సినిమాల్లో ఐట‌మ్ పాట‌ల‌న్నీ దేవీశ్రీ మాస్ బీట్స్ కి సంబంధించిన‌వే. దింక చిక మొద‌లు చాలా పాట‌లు దేవీశ్రీ ట్యూన్స్ అందించిన‌వే. ద‌బాంగ్ సిరీస్ కి దేవీశ్రీ ఐట‌మ్ పాట‌లు క‌లిసొచ్చాయి. ఇక ఈ సాంప్ర‌దాయాన్ని స‌ల్మాన్ భాయ్ అలానే కొన‌సాగిస్తున్నారు. భాయిజాన్ లోనూ దేవీశ్రీ స‌హ‌కారం అందనుంది.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.