ఐష్ కోసమే సల్మాన్ ని కాదనుకున్నారా?

రణ్ దీప్ హుడా- ఐశ్వర్యారాయ్ లు ప్రధాన పాత్రల్లో నటించిన బయోపిక్ సరబ్ జిత్ పై బోలెడు అంచనాలు ఏర్పడ్డాయి. పాకిస్తాన్ జైల్లో ఇరుక్కున్న తన సోదరుడు సరబ్ జీత్ సింగ్ ను విడిపించేందుకు సోదరి దల్బీర్ కౌర్ పడ్డ కష్టాన్ని చిత్రంగా మలిచారు. అయితే.. ఈ జీవిత కథలోంచి సల్మాన్ ఎపిసోడ్ ని తొలగించడం ఇప్పుడు హాట్ టాపిక్ అవుతోంది.

నిజానికి దబాంగ్ 2 చిత్రీకరణ సమయంలో దల్బీర్ కౌర్ సల్మాన్ ఖాన్ ను కలిసింది. పాక్ లో సల్మాన్ కి ఉన్న క్రేజ్.. తన సోదరుడి విడుదలకు హెల్ప్ అవుతుందన్నది ఆమె ఆలోచన. దీనికి సల్లూభాయ్ కూడా తగిన విధంగానే స్పందించాడు. అయితే.. ఈ ఎపిసోడ్ మొత్తం ఇప్పుడు సినిమాలో లేదని తేలిపోయింది. దీనికి కారణం ఐశ్వర్యారాయ్ అని తెలుస్తోంది. సల్మాన్ తో స్క్రీన్ పంచుకునేందుకు ససేమిరా ఒప్పుకోలేదట ఐష్. అందుకే తొలగించాల్సి వచ్చిందని టాక్.

అయితే సరబ్ జిత్ మేకర్స్ చెబుతున్న రీజన్ మాత్రం వేరేగా ఉంది. దల్బీర్ జీవితంలో ప్రతీ సంఘటనను సినిమాలో చూపించలేం కదా అంటున్నారు. ఇది సరికాదనే విషయం తెలిసిందే. అలా.. సరబ్ జిత్ బయోపిక్ లోంచి.. ఓ ప్రధానమైన ఎపిసోడ్ ఐష్ కారణంగా ఎగిరిపోయింది.