వద్దు బాబోయ్..సల్మాన్ అభిమానుల అల్టీమేటం..

సల్మాన్ ఖాన్ తాజాగా నటించిన మూవీ ‘రేస్3’. ఇటీవలనే విడుదలైన ఈ మూవీ బాక్సాఫీస్ వద్ద అట్టర్ ఫ్లాప్ అయ్యింది. ఇదివరకూ వచ్చిన రేస్1, రేస్ 2లు హిట్ కాగా అందులో సల్మాన్ ఖాన్ నటించలేదు. రేస్ 3లో నటించేసరికి ఈ సినిమా ఆడలేదు. రేస్ 3 తీసిన దర్శకుడు రెమో డిసౌజ తీరుపైన విమర్శలు వచ్చాయి. దీనిపై సల్మాన్ ఫ్యాన్స్ కూడా హర్ట్ అయ్యారు.

తాజాగా సల్మాన్ ఖాన్ మరో సినిమాకు రంగం సిద్ధం చేశారు. అదే దంబాంగ్3. సల్మాన్ నటించిన దబాంగ్1 పెద్ద హిట్. దానికి సీక్వెల్ గా తీసిన దబాంగ్2 యావరేజ్ హిట్ అయ్యింది.ఇప్పుడు ఇది చాలదన్నట్టు తాజాగా మూడో సీక్వెల్ కు ప్లాన్ చేస్తున్నాడు. దీనిపై సల్మాన్ అభిమానులు ఫైర్ అవుతున్నారు. సోషల్ మీడియాలో పెద్ద క్యాంపెయిన్ నిర్వహిస్తున్నారు. తమ అభిమాన హీరోను ఈ సినిమా చేయవద్దంటూ సూచిస్తున్నారు.

సల్మాన్ తో చేయడానికి భన్సాలీ లాంటి పెద్ద దర్శకులు ఎదురుచూస్తుంటే సల్లూ భాయ్ మాత్రం రెమో, ప్రభుదేవ లాంటి చిన్న దర్శకులతో సినిమాలు చేస్తూ ఫ్లాపులు ఇస్తున్నాడని.. ఇలా చేయవద్దంటూ ట్విట్టర్ లో సల్మాన్ ను నిలదీస్తున్నారట. సల్మాన్ సినిమాల్లో మునపటి నాణ్యత ఉండటం లేదని.. దర్శకుల విషయంలో ఆచితూచీ వ్యవహరించాలని కోరుతున్నారట.. దబాంగ్ 3 విషయంలో సల్మాన్ పునరాలోచించుకోవాలని రిక్వెస్ట్ పెడుతున్నారట.. దీంతో సల్మాన్ కూడా పునరాలోచనలో పడ్డట్టు తెలిసింది.