ఆ చూపుకి అర్థ‌మేంటి భాయ్ సాబ్

బాలీవుడ్ ఎన‌ర్జిటిక్ హీరో ర‌ణ్‌ వీర్‌... హైప‌ర్ యాక్టీవ్ బోయ్ గా పేరు తెచ్చుకున్న ఈ కిలాడీ హీరో మెరుపు తీగ దీపిక‌ను పెళ్లాడిన సంగ‌తి తెలిసిందే. పెళ్లి త‌రువాత దీపిక అందం పెరిగిందే కానీ త‌ర‌గ‌లేదు. ఆ సొగ‌సు చూడ‌త‌ర‌మా అన్నంత‌గా ఆమె అందం రెట్టింపై విక‌శిస్తోంది. బాలీవుడ్ లో ఏ ఫంక్ష‌న్ జ‌రిగినా దీప్ వీర్ జంట సెంట‌రాఫ్ ఎట్రాక్ష‌న్ అవుతున్నారు. ఇటీవ‌ల జ‌రిగిన ఐఫా గ్రీన్ కార్పెట్ వేడుక‌లోనూ దీప్ వీర్ ప్ర‌త్యేక ఆక‌ర్ష‌ణ‌గా నిలిచి అంద‌రిని ఆశ్చ‌ర్యంలో ముంచెత్తారు.

ఈ కార్య‌క్ర‌మంలో దీపిక‌ గ్రీన్ కార్పెట్ పై ధ‌గ‌ధ‌గా మెరిసిపోయింది. దివి నుంచి భువికి దిగి వ‌చ్చిన దేవ క‌న్య‌లా దీపు మెరిసిపోవ‌డం చూప‌రుల‌ని ఆక‌ట్టుకుంది. ఎల‌క్ట్రిక్ వ‌యోలెట్ గౌన్ లో త‌ల పైభాగం నుంచి కార్పెట్ పై ప‌రిచిన గౌనును ధ‌రించింది. ఆ గౌను అచ్చం పురి విప్పిన నెమ‌లిని త‌ల‌పించింది. మ‌ల్టీపుల్ క‌ల‌ర్స్ తో డిజైన‌ర్ డ్రెస్ ని డిజైన్ చేసిన తీరు దీపిక అందాల్ని మ‌రింత‌గా మెరిసేలా చేసింది. మ‌ల్టీషేడ్ ఎంబ్రాయిడ‌రీ వ‌ర్క్‌తో వున్న ఔట్ ఫిట్ కావ‌డంతో దీపిక రెట్టించిన అందాన్ని వేదిక వ‌ద్ద జ‌నం త‌నివితీరా తిల‌కించారు. ఆమె అందానికి ఫిదా అయిన ఫొటో గ్రాఫ‌ర్లు సైతం అటూ ఇటూ ఎవ‌రున్నారో కూడా ప‌ట్టించుకోలేనంత ప‌ర‌ధ్యానంలో వుండిపోయారు.

అదంతా స‌రే కానీ.. అక్క‌డో వింత విశేషం గుస‌గుస‌ల‌కు తావిచ్చింది. దీపిక మీడియా కార్న‌ర్ లో మాట్లాడుతున్న స‌మ‌యంలో ఆ వెన‌క నుంచి స‌ల్మాన్ ఖాన్ వెళుతూ చిత్ర‌మైన చూపుల‌తో దీపిక‌ని చూసిన తీరు సోష‌ల్ మీడియాలో వైర‌ల్ గా మారింది. భాయ్.. ఇంత‌కీ ఆ చూపున‌కు అర్థ‌మేంటి? అంటూ నెటిజ‌నులు ప్ర‌శ్న‌ల వ‌ర్షం కురిపిస్తూ.. లాఫింగ్ ఈమోజీల‌ను పోస్ట్ చేస్తున్నారు. దీనికి సంబంధించిన వీడియో ఒక‌టి బ‌య‌టికి వ‌చ్చి హంగామా చేస్తోంది. అయితే క‌ల‌ర్ ఫుల్ ఈవెంట్ల‌లో ఇవ‌న్నీ మామూలు విష‌యాలే. అంత పొడ‌వాటి గౌనులో ఉన్న దీపిక‌ను చూడ‌గానే ఎవ‌రైనా ఇలా స్ట‌న్న‌వ్వాల్సిందే.


వీడియో కోసం క్లిక్ చేయండి