ఐసూ, మాధురిని కొట్టేసే అందం ఈవిడ‌ది

పొగ‌డ్త‌కు ఓ హ‌ద్దు ఉండాలి అంటారు. పొగిడే ముందు అందుకు గీటురాయి ఏంటో చెప్పాలంటారు. కానీ అవేవీ చెప్పాల్సిన ప‌నే లేకుండా ఈ యంగ్ లేడీని కండ‌ల హీరో స‌ల్మాన్‌ ఖాన్ పొగిడేయ‌డం, వేరొక‌రితో పోల్చి అంత కంటే గొప్పే అనేయ‌డం ప్ర‌స్తుతం బాలీవుడ్‌ లో హాట్ టాపిక్ అయ్యింది.

బాలీవుడ్‌ లో అప్‌క‌మింగ్ హీరోయిన్స్ అంతా మీ ఇన్స్ పిరేష‌న్ ఎవ‌రు? అని ఎవ‌రైనా త‌మ‌ని ప్ర‌శ్నిస్తే మాధురి ధీక్షిత్‌ - శ్రీ‌దేవి - ఐశ్వ‌ర్యారాయ్ అని చెబుతుంటారు. అయితే వీళ్లంద‌రినీ మించిపోయే హీరోయిన్‌, గొప్ప అంద‌గ‌త్తె ఎవ‌రు? అని స‌ల్మాన్‌ ని ప్ర‌శ్నిస్తే .. సోన‌మ్ క‌పూర్ అంటూ తెగ కాంప్లిమెంట్ ఇచ్చేశాడు. ఐశ్వ‌ర్యారాయ్ అందాన్ని, మాధురి ధీక్షిత్ న‌ట‌న‌ను ఎవ‌రూ స‌రితూగలేరు అంటూ సోన‌మ్ విన‌మ్ర‌త చాటు కుంటే స‌ల్లూ భాయ్ మాత్రం అందుకు పూర్తి ఆపోజిట్‌ గా మాట్లాడాడు.

ఐసూ - మాధురి కంటే సోన‌మ్ కాస్త ఎక్కువే అంటూ పొగిడేశాడు. ప్ర‌స్తుతం ఈ జంట న‌టించిన ప్రేమ్ ర‌త‌న్ ధ‌న్ పాయో రిలీజ్‌ కి వ‌స్తోంది. ఈ సంద‌ర్భంగా ప్ర‌మోష‌న్ యాక్టివిటీస్‌ లో ఈ పాయింటు చ‌ర్చ‌కొచ్చింది. స‌న్న‌జాజి సోయ‌గం సోన‌మ్‌ లో ఏం చూశాడో ఏమో? త‌న ఎక్స్ లేడీస్ మాధురి - ఐశ్వ‌ర్యారాయ్‌ ల‌ను మించిపోయింద‌ని పొగిడేసేంత ఏం చూశాడో?