ధూమ్ 4.. హీరో.. విలన్.. ఫైనల్

ధూమ్.. ఈ సౌండ్ వినగానే మన దేశంలో కుర్రకారులో ఓ జోష్ మొదలయిపోతుంది. ఆ రేంజ్ లో సంచలనాలను నమోదు చేసిన సిరీస్ ఇది. ఇప్పటికే ధూమ్ సిరీస్ లో మూడు సినిమాలు వచ్చి ప్రేక్షకులను ఉర్రూతలూగించాయి. ఇప్పుడు ధూమ్ 4 కి కూడా రంగం సిద్ధమైపోయింది. ధూమ్4 పై చాలాకాలంగానే మాటలు వినిపిస్తున్నాయి.

బాలీవుడ్ కండలవీరుడు సల్మాన్ ఖాన్ తో లేటెస్ట్ పిక్చర్ ని తీయాలని యష్ రాజ్ ఫిలింగ్ ప్రయత్నిస్తున్న విషయం తెలిసిందే. ఇప్పుడీ విషయం అధికారికం అయిపోనుంది. క్రేజీ క్రేజీ దొంగతాలను చేసే విలన్ గా సల్లూభాయ్ నటించనుండగా.. ఇప్పుడీ మూవీకి మరో స్పెషల్ అట్రాక్షన్ కూడా జోడైంది. ఇప్పటివరకూ ధూమ్ సిరీస్ లో హీరోగా అభిషేక్ బచ్చన్ మాత్రమే కనిపించాడు. ఇప్పుడు హీరో కేరక్టర్ ను మార్చాలని యష్ రాజ్ బ్యానర్ నిర్ణయించుకుంది. ధూమ్ 4లో హీరో పాత్రను యంగ్ సూపర్ స్టార్ రణ్ వీర్ సింగ్ చేయనున్నాడు. అంటే సల్మాన్ తో పోటీ పడి పట్టుకోవాల్సిన రోల్ ని రణ్ వీర్ సింగ్ కి అప్పగించారన్న మాట.

ఇప్పటికే స్క్రిప్ట్ వర్క్ పూర్తి కాగా.. ప్రస్తుతం తుది మెరుగులు దిద్దుతున్నారు. మిగిలిన నటీనటుల ఎంపిక కూడా పూర్తి చేసి.. జనవరి 2017నుంచి షూటింగ్ స్టార్ట్ చేయనున్నారు. ధూమ్4లో సల్మాన్ వర్సెస్ రణ్ వీర్ ల మధ్య సాగే రసవత్తరమైన పోటీని చూడడం కోసం.. ధూమ్ ఫ్యాన్స్ రెడీ అయిపోతున్నారు.