బిగ్ బాస్ కు ఈ హీరో పారితోషకం 288కోట్లు.!

హాలీవుడ్ లో ఎంతో ఫేమస్ అయిన బిగ్ బాస్ రియాలిటీ షోను తొలుత దేశంలోకి తీసుకొచ్చింది కలర్స్ చానెల్. ఆ చానెల్ సల్మాన్ ఖాన్ ను హోస్ట్ గా పెట్టి మొదలు పెట్టిన ఈ కార్యక్రమం దిగ్విజయంగా 11 సంవత్సరాలు పూర్తి చేసుకుంది. తర్వలోనే 12వ సీజన్ ను ప్రారంభించబోతోంది. ఈ సారి కూడా సల్మాన్ ఖానే వ్యాఖ్యాతగా వ్యవహరించనున్నారు.

తాజాగా బిగ్ బాస్ హిందీ సీజన్-12 కోసం సల్మాన్ ఖాన్ తీసుకుంటున్న పారితోషకం తెలిసి అందరూ అవాక్కవుతున్నారు. మూడు నెలల పాటు ప్రసారం కానున్న ఈ షో కోసం సల్మాన్ ఖాన్ 12 రోజులు మాత్రమే కాల్షీట్లు ఇచ్చాడట.. ఈ 12 రోజుల్లోనే మొత్తం 24 ఎపిసోడ్స్ షూట్ చేయబోతున్నారట.. ఒక్కో ఎపిసోడ్ కు 12 కోట్లను సల్మాన్ వసూలు చేస్తున్నట్టు సమాచారం. అంటే మొత్తం 24 ఎపిసోడ్లకు గాను సల్మాన్ అందుకునే పారితోషకమే అక్షరాల 288 కోట్లు కావడం విశేషం. ఇంత భారీ మొత్తం కేవలం హోస్ట్ అయిన సల్మాన్ కు ఇస్తున్న కలర్స్ చానెల్ కు ఇంకా ఎంత మిగులుతుందన్న ఆసక్తి అందరిలోనూ నెలకొంది.