లిప్ లాక్ తీయించేసి సల్మాన్

బాలీవుడ్ లో ఏ నిర్మాత అయినా తన సినిమాలో లిప్ లిప్ లాక్ సీన్ ఉండాల్సిందే అని పట్టుబడితే ఆశ్చర్యపోవాల్సిన పని లేదు. లిప్ లాక్ సీన్ వద్దంటేనే షాకవ్వాలి. సల్మాన్ ఖాన్ అదే పని చేశాడు. తన నిర్మాణంలో తెరకెక్కిన ‘హీరో’ సినిమాలో ఓ లిప్ లాక్ ఉంటే దాన్ని ఎడిటింగ్ లో తీయించేశాడు. సీనియర్ క్యారెక్టర్ నటుడు ఆదిత్య పంచోలీ కొడుకు సూరజ్ పంచోలీ, యాక్షన్ హీరో సునీల్ శెట్టి తనయ ఆతియా శెట్టిలను హీరో హీరోయిన్లుగా పరిచయం చేస్తూ ధూమ్-2 ఫేమ్ నిఖిల్ అద్వాని దర్శకత్వంలో ‘హీరో’ సినిమా తీశాడు సల్మాన్. నిర్మాతగా సల్మాన్ తొలి సినిమా ఇదే. హీరో కొంచెం ఆలస్యం కావడం వల్ల ‘భజరంగి భాయిజాన్’ ముందుగా విడుదలైంది. ఐతే పెద్ద బ్యాగ్రౌండ్ నుంచి వస్తున్న హీరో హీరోయిన్ లతో నిఖిల్ ఓ ముద్దు సీన్ తీశాడు. ఐతే ఈ సంగతి సల్మాన్ కు తెలియదు.

రషెస్ చూసినపుడు సల్మాన్ ఆ ముద్దు సీన్ కు ఒప్పుకోలేదు. తానెప్పుడూ లిప్ లాక్ లో నటించలేదని.. తన నిర్మాణంలో వచ్చే సినిమాలోనూ లిప్ లాక్ కు ఒప్పుకోనంటూ ఆ సీన్ కు ఎడిటింగులో కత్తెర వేయించేశాడు. సల్మాన్. ఓ కిడ్నాప్ డ్రామా నేపథ్యంలో సాగే లవ్ స్టోరీ ఇదని.. సినిమా విజయవంతమై సూరజ్, ఆతియాలకు మంచి పేరు వస్తుందని అంటున్నాడు సల్మాన్. ‘హీరో’గా పరిచయమైన సూరజ్ పంచోలీ ఎవరో కాదు. ఆ మధ్య ఆత్మహత్య చేసుకున్న జియా ఖాన్ బాయ్ ఫ్రెండ్. అతడి వల్ల ఆమె గర్భవతి కూడా అయిందన్న విషయం జియా రాసిన ఓ లేఖ ద్వారా బయటపడింది. ఇంకా హీరో అవతారం ఎత్తకముందే జియాతో డీప్ లవ్ లో ఉన్నాడు సూరజ్. జియా హత్య కేసుకు సంబంధించి అతణ్ని పోలీసులు అరెస్టు కూడా చేశారు. కానీ ఆ తర్వాత క్షేమంగా కేసు నుంచి బయటపడి హీరో అవతారమెత్తుతున్నాడు.