బాబీ రేసులోకి అలా వచ్చాడు

బాలీవుడ్ హీరో బాబీ డియోల్ ఈమధ్య అస్సలు లైమ్ లైట్ లో లేడు. ఒకానొక టైంలో ఇండస్ట్రీ రికార్డులు తిరగరాసే హిట్లు కొట్టిన ఈ హీరో వెండితెరపై కనిపించి చాలా ఏళ్లవుతోంది. ఉన్నట్టుండి ఇప్పుడు సల్మాన్ ఖాన్ హీరోగా నటించిన రేస్-3 సినిమాలో లీడ్ రోల్ లో కనిపించి ఆశ్చర్య పరిచాడు. రేస్-3 మూవీ నిర్మాతల్లో సల్మాన్ కూడా ఒకడు. సొంత ఫ్యాన్స్ కూడా మర్చిపోయిన బాబీడియోల్ లో ఏం చూసి ఈ సినిమా కోసం సెలక్ట్ చేసుకున్నాడని సల్లూ భాయ్ అభిమానులకే డౌట్ పట్టుకుంది.

ఈ సీక్రెట్ ఏంటో బాబీ స్వయంగా బయటపెట్టాడు. బాబీడియోల్ బాడీ చూశాకే అతడికి ఈ రోల్ ఆఫర్ చేశాడట. ‘‘ఓ రోజు సల్మాన్‌ నన్ను కలిసి మామూ.. షర్టు విప్పుతావా అని అడిగాడు. అలా ఎందుకు అడిగాడో అర్థం కాక ఆశ్చర్యం వేసింది. అదే మాట అడిగితే అప్పుడు రేస్‌-3 గురించి చెప్పాడు. షర్ట్ విప్పాక నేను ఎలా ఉన్నానో చూశాకే నన్ను ‘రేస్‌ 3’కి ఎంపిక చేసుకున్నారు.’’ అంటూ బాబీ చెప్పుకొచ్చాడు.

రేస్-3 ట్రయిలర్ లో ఓ సీన్ లో బాబీ డియోల్ - సల్మాన్ ఖాన్ ఇద్దరూ షర్ట్ లేకుండా కండలు ప్రదర్శిస్తూ నడుచుకుంటూ వస్తారు. ఈ ఫ్రేమ్ లో ఇద్దరూ సూపర్ అనిపిస్తారు. మామూలుగా సినిమా మొత్తం మీద ఒక్కసారయినా షర్ట్ విప్పి కండలు చూపించడం సల్మాన్ స్పెషాలిటీ. ఈసారి తన పక్కన ఉండే ఇంకో హీరో కూడా అదే రేంజిలో బాడీ ఉన్నాకే సెలక్ట్ చేసుకున్నాడు. అదీ సంగతి.