ఎక్స్ హీరోయిన్ల‌కు ల‌వ్‌ స్టోరీ చూపిస్తాడట

స‌ల్మాన్‌ ఖాన్ హీరోగా సూర‌జ్ బ‌ర్జాత్య ద‌ర్శ‌క‌త్వంలో ప్రేమ్ ర‌త‌న్ ధ‌న్ పాయో తెర‌కెక్కిన సంగ‌తి తెలిసిందే. ఈ సినిమా త్వ‌ర‌లో రిలీజ్‌ కి వ‌స్తోంది. అయితే ఈ సినిమాని స‌ల్లూ భాయ్ త‌న ఎక్స్ హీరోయిన్ల‌కు ప్ర‌త్యేకంగా ప్ర‌ద‌ర్శించ‌నున్నారు.

మైనే ప్యార్ కియా హీరోయిన్ భాగ్య‌శ్రీ‌.. హ‌మ్ ఆప్ కే హై కౌన్ హీరోయిన్‌ మాధురి ధీక్షిత్.. ఇద్ద‌రికోసం ప్ర‌త్యేకించి ఓ షో ప్లాన్ చేశారు. ఈ రెండు చిత్రాల‌కు సూర‌జ్ ప‌నిచేశారు. స‌ల్మాన్ హీరో.. కాబ‌ట్టి ఇప్పుడు అదే సిరీస్‌ లో వ‌స్తున్న మ‌రో డిఫ‌రెంట్ ల‌వ్ స్టోరి.. ప్రేమ్ ర‌త‌న్ ధ‌న్ పాయో ప్రీమియ‌ర్‌ లో నాటి మేటి నాయిక‌లు హ‌ల్‌ చ‌ల్ చేయాల్సిందేన‌ని స‌ల్మాన్ భావించాడు. అందుకే ఇలా ప్ర‌త్యేకించి షో ప్లాన్ చేశాడు.

ఇంట్రెస్టింగ్‌ గా స‌ల్మాన్ న‌టించిన మైనే ప్యార్ కియా - హ‌మ్ ఆప్ కే హై కౌన్ చిత్రాల్లో త‌న క్యారెక్ట‌ర్ పేరు ప్రేమ్‌. అందుకే ఈ సినిమాపై హైప్ కూడా బాలీవుడ్‌ లో ఓ రేంజులో ఉంది. మ‌రోసారి స‌ల్మాన్ మ్యాజిక‌ల్ ల‌వ్‌ స్టోరీ లో న‌టించాడ‌ని అనుకుంటున్నారంతా. న‌వంబ‌ర్ 12న ఈ సినిమా రిలీజ్‌ కి రెడీ అవుతోంది. రాజ‌శ్రీ ఫిలింస్ నిర్మించిన ప్ర‌తిష్ఠాత్మ‌క చిత్ర‌మిది.